Երևանի և Բաքվի միջև համաձայնագիրը վտանգում է Հայաստան պետության գոյատևումը․ Լեմկինի ինստիտուտ
Լեմկինի ինստիտուտը Երևանի և Բաքվի միջև Վաշինգտոնում կնքված համաձայնագիրը «Մյունխենի համաձայնագիր» է որակել․
2025 թվականի օգոստոսի 8-ին Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը հանդիպել են Սպիտակ տանը՝ համատեղ հռչակագիր ստորագրելու և ԱՄՆ միջնորդությամբ «խաղաղության համաձայնագիր» նախաձեռնելու նպատակով։
Լեմկինի ինստիտուտը զգուշացնում է, որ խաղաղության վաղաժամ տոնակատարությունը վտանգավոր կերպով անտեսում Ադրբեջանում ցեղասպանության պատմությունը և Հայաստանի ինքնիշխանությանը հարատևող սպառնալիքները:
Համաձայնագրի ներկայիս տեքստում բաց են թողնված այն առանցքային հարցերը, որոնք անհրաժեշտ են տարածաշրջանում կայուն խաղաղության հաստատման համար՝ 2023 թվականին Արցախի ցեղասպանության նկատմամբ արդարադատությունը, 100 000 տեղահանված հայերի իրավունքները, հայ ռազմագերիների և քաղբանտարկյալների ազատ արձակումը, մշակութային ժառանգության ճակատագիրը և պատասխանատվության ենթարկելու մեխանիզմները: Փոխարենը, դա ստիպում է Հայաստանին հետ վերցնել իր հայցերը միջազգային դատարանից և ՄԻԵԴից՝ զրկելով ճշմարտության և արդարության հաստատման միակ օրինական ուղիներից:
Այն նաև ամրապնդում է Ադրբեջանի դիրքերը՝ սպասված միջանցքը տրամադրելով Ադրբեջանին, անտեսելով Բաքվի կողմից Հայաստանի տարածքի շարունակական օկուպացիան և հայերի նկատմամբ ցեղասպանության հռետորաբանությունը։
Լեմկինի ինստիտուտն ընդգծում է, որ այս գործարքը աշխարհաքաղաքականությունն ու ԱՄՆ շահերը վեր է դասում Հայաստանի անվտանգությունից: Առանց Հայաստանի հաշվետվողականության, արդարության և ինքնիշխանության երաշխիքների՝ համաձայնագիրը վտանգում է օրինականացնել Ադրբեջանի ծավալապաշտական ծրագիրը, հրահրել հետագա ագրեսիա և նույնիսկ վտանգել Հայաստանի՝ որպես պետության գոյատևումը:
Մենք ողջունում ենք խաղաղության հաստատմանն ուղղված բոլոր իրական ջանքերը, բայց չենք հավատում, որ ցեղասպանություն իրականացնող պետություններին կարելի է վստահել նրանց մշտական զոհերի ապագան։ Որպեսզի Հայաստանն ապահով լինի, ԱՄՆ-ն պետք է ստիպի Ադրբեջանին գնալ զիջումների, ինչպես դա պահանջում է միջազգային իրավունքը, ներառյալ Հայաստանի տարածքից հեռանալը, բոլոր հայ պատանդների ազատ արձակումը և ներքին բարեփոխումները, որոնք կոչնչացնեն ցեղասպանությանն ուղղված պաշտոնական հակահայկական մոտեցումը։
ԱՄՆ-ն նաեւ պետք է աջակցի անկախ դատական մեխանիզմին, որ կկարողանա ապահովել երկու երկրների պատմական պահանջների քննությունը:
Հայտարարության ամբողջական տեքստը՝ bit.ly/4g4GCOb
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը