Քրեական հոդվածով փորձում են պարտադրել հետ վերցնել բողոքը
Հայաստանի քննչական կոմիտեն հերթական կեղծ քրեական գործն է հարուցել հերթական ընդդիմադրի նկատմամբ։ Քննչականը երեկ տեղեկություն հայտնեց, որ քրեական գործ է հարուցվել Հանրային ռադիոյի նախկին տնօրեն Գարեգին Խումարյանի դեմ՝ ապացույցները կեղծելու մեղադրանքներով։ Պնդում են, թե Խումարյանը բաց է թողել մրցույթի արդյունքները բողոքարկելու ժամկետը, և որպեսզի այդ բացը համարվի հարգելի ու հնարավորություն ունենա նորից վիճարկել այդ որոշումը, դատարանը ներկայացրել է կեղծ փաստաթուղթ։
Ըստ քննչականի՝ Խումարյանը գրել է, քանի որ անգործ է մնացել, գումար չի ունեցել վճարովի իրավաբանական ծառայություններից օգտվելու համար ու բաց է թողել դատարան դիմելու ժամկետը։ Այնինչ նա ստացած եկամուտը դիտավորությամբ չի ներառել դատարան ներկայացվող փաստաթղթում։ Ի դեպ, ինքը՝ Խումարյանը, դատարանին պարզաբանել է, որ զրկված է եղել որևէ այլ եկամուտի աղբյուրից, հայտնվել է սոցիալապես խոցելի իրավիճակում, իր խնամքին անչափահաս երեխաներն են և աշխատանքից ազատվելուց հետո ֆինանսական վիճակն էապես վատթարացել է, և իր ընտանիքի ապրուստը հոգալու համար ստիպված է եղել ստանձնել նոր դրամական պարտավորություններ։ Մյուս կողմից էլ իրավաբանական ծառայությունների արժեքն այնքան բարձր է եղել, որ չի կարողացել վճարել, բայց հետո արդեն կարողացել է անվճար իրավաբանական ծառայությունների մատուցման պայմանագիր կնքել։
Պարզաբանումը դատարանը հարգելի է համարել գործը վարույթ ընդունել, բայց փաշինյանական քննիչները քրեական գործ են հարուցել Խումարյանի դեմ։ Վերջինս հայտնել է, թե քրեական գործը ոտքից գլուխ կեղծ է, իրականության հետ աղերս չունի, և դա վարչական ու քաղաքացիական ընթացակարգերով գնացող բողոքարկման գործընթացը քրեական գործիքակազմով տորպեդահարելու միջոց է։ Ըստ Խումարյանի՝ քննչականը փորձում է պարտադրել, որ նա հետ կանգնի նոր տնօրենի մրցույթը վիճարկող իր բողոքից, իսկ դատավարությունն էլ տեղի չունենա։
Հիշեցնենք, Գարեգին Խումարյանին չէին ընտրել Հանրային ռադիոյի տնօրեն, փոխարենը ընտրել էին տխրահռչակ Արմեն Քոլոյանին, ով արդեն հասցրել է լուրջ ավերածություններ գործել Հանրային ռադիոյում, բայց նրան պատժելու փոխարեն ավելի ու ավելի լայն լիազորություններ են տալիս Հանրային ռադիոյում երկար տարիներ աշխատող և ընդդիմադիր տրամադրություններ ունեցող անձանց հեռացնելու, փոխարենը իշխանության նվիրյալներին բերելու համար։
Վաչե Ազատյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը