Սննդամթերքի գնաճն ուղիղ հարվածում է ՀՀ քաղաքացիներին
Հայաստանի սպառողական շուկայում 12-ամսյա գնաճը (2025 թ. օգոստոսը՝ 2024 թ. օգոստոսի նկատմամբ) կազմել է 3.6 տոկոս, իսկ նախորդ ամսվա նկատմամբ՝ 0.2 տոկոս։ Տեղեկությունը հայտնում է ՀՀ վիճակագրական կոմիտեն։
Այս տարվա օգոստոսին՝ 2024 թ. օգոստոսի համեմատ, արձանագրվել է սննդամթերքի և ոչ ալկոհոլային խմիչքի 4.9 տոկոս գնաճ։ Հաշվետու ժամանակահատվածում բրնձի գինն աճել է 0.7 տոկոսով, լոբուն՝ 2.1 տոկոսով, հացը՝ 5.1 տոկոսով։ Օգոստոսին թռչնամսի գինն աճել է 1.5 տոկոսով, տավարի և խոզի մսինը՝ համապատասխանաբար 2.5 տոկոսով և 10.3 տոկոսով։ Արևածաղկի բուսական յուղի գինը ևս աճել է՝ 2025 թ. օգոստոսին 2024 թ. օգոստոսի համեմատ 16.8 տոկոսով։
Նույն ժամանակահատվածում բավականին թանկացել են նաև պաղպաղակը (9.7 տոկոսով), սուրճը (13.5 տոկոսով), կակաոն (22.5 տոկոսով)։ Ալկոհոլային խմիչքի և ծխախոտային արտադրատեսակների գները օգոստոսին աճել են համապատասխանաբար 4.2 տոկոսով և 8.2 տոկոսով։
Միևնույն ժամանակ, 2025 թ. օգոստոսին՝ 2024 թ. օգոստոսի համեմատ, ձվի գինը նվազել է 5.8 տոկոսով, սակայն 2025 թ. հուլիսի համեմատ արձանագրվել է 2.8 տոկոս գնաճ։
Սննդամթերքի գնաճն ուղիղ հարվածում է ՀՀ քաղաքացիներին։ Որքան էլ Նիկոլ Փաշինյանը հայտարարի, թե հայաստանցիները կրկնակի լավ են սկսել ապրել, իրականում 2018 թ. իշխանափոխությունից հետո բնակչության սոցիալական վիճակն ավելի է վատթարացել։ Տարբեր՝ օբյեկտիվ և սուբյեկտիվ պատճառներով պարենի ու առաջին անհրաժեշտության ապրանքների թանկացումը ոչ միայն սոցիալ-տնտեսական, այլև քաղաքական խնդիրներ է առաջացնելու։
Առաջիկայում, ըստ մասնագետների կանխատեսումների, գներն ավելի են աճելու, իսկ ԵԱՏՄ-ից Հայաստանի վտարման դեպքում չեն բացառվում լուրջ խռովություններ։
Լուիզա Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը