Թոշակների բարձրացման համար պետք է ոչ թե կրճատել անվտանգային ծախսերը, այլ ապահովել հարկերի և տուրքերի արդյունավետ կառավարումը. Հրայր Կամենդատյան

Հրայր Կամենդատյանը ֆեյսբուքյան իր էջում գրել է.

Ես Հրայր Կամենդատյանս հանդիսանում եմ ,,Հայաքվե,, միավորման վարչության անդամ և սոցիալ տնտեսական հանձնաժողովի ղեկավար։ Երեկվանից մեր թոշակառուներին դիմել եմ ու ասել՝ նրանց թոշակները պետք է բարձրացնել առնվազն 50%-ով։ Արդեն շուրջ 300 հազար մարդ արձագանքել է իմ կոչին։ Բայց ՔՊ-ի դեմագոգները որոշել են հակադարձել։ Եվ ահա թեմայի մեջ թակարդվել է գեներալ Գագիկ Մելքոնյանը։

Նա ասում է՝ իբր բանակի ծախսերը կրճատելու դեպքում թոշակները հնարավոր կլինի բարձրացնել ։ Սա վտանգավոր մանիպուլյացիա է։ Ոչ ոք իրավունք չունի թոշակառուների սոցիալական հարցը հակադրել բանակին։

Ես հստակ ասում եմ․ թոշակների բարձրացման համար պետք է ոչ թե կրճատել անվտանգային ծախսերը, այլ ապահովել հարկերի և տուրքերի արդյունավետ կառավարում, վերջ տալ կոռուպցիային, բյուջեի եկամուտները իրականում աճեցնել։

Գեներալը փորձում է խեղաթյուրել, մոլորեցնել մարդկանց և զրկել երկիրը պաշտպանական ռեսուրսից։ Դա չի հաջողվելու։

Մենք ասում ենք․ Անվտանգության ծախսերը կրճատել պետք չէ։ Բանակը պետք է հզորանալ նոր սպառազինությամբ։

Թոշակները պետք է բարձրացնել առնվազն 50%-ով։ Մեր ծնողներն արժանի են արժանապատիվ կյանքի։

Այսօր ընտրությունը պարզ է․

Գեներալը անցյալ է,

Մենք ապագա ենք՝ արժանապատիվ խաղաղությամբ ու արժանապատիվ թոշակով։

Կեցցե հայկական հզոր բանակը։

Կեցցե հայ արժանապատիվ թոշակառուները։