Փաշինյանն ասում է՝ համաձայն չեք հեղափոխություն արեք, ո՞նց անենք, եթե ապօրինի ցուցումներ են տալիս իրավապահներին. Հովհաննես Ավետիսյան
«Սրբազան պայքար» շարժման առաջնորդ Բագրատ արքեպիսկոպոս Գալստանյանի մասնակցությամբ հրապարակված հայտնի ձայնագրության մեջ նրա հետ զրուցող Հովհաննես Ավետիսյանը այսօր ասուլիս է հրավիրել՝ ներկայացնելու ձայնագրության վերաբերյալ իր պարզաբանումները։
Ավետիսյանի խոսքով՝ իր և արքեպիսկոպոսի քննարկումները վերաբերում էին բացառապես խաղաղ անհնազանդության և ոչ բռնի պայքարի կազմակերպմանը․
«Մեր քննարկումները եղել են խաղաղ անհնազանդության, ոչ բռնի պայքարի մասին։ Հարց է առաջանում՝ այդ խմբերը ինչի համար են։ Շատ պարզ է․ նրա համար, որ փողոցում չլինի բռնություն, որ գործողությունները լինեն կազմակերպված, որևէ բան չջարդվի, որ ոչ մեկ վնասվածք չստանա։ Պրոցեսները պետք է լինեին խաղաղ, հանգիստ, անհնազանդության տրամաբանության մեջ»։
Նա ընդգծել է, որ իրավապահ մարմինները հրապարակել են կտրտված ձայնագրություններ, փորձելով այն ներկայացնել այնպես, թե իբր պլանավորվել են բռնի գործողություններ․
«Ինձ մոտ հարց է առաջանում իրավապահներին․ եթե ամբողջ ձայնագրությունները, ոչ թե կտրտված, փաստում են, որ պլանավորվում էր ոչ բռնի պայքար, խաղաղ անհնազանդություններ, փողոցային պայքար՝ խաղաղ ճանապարհով հեղափոխության իրականացում, այն նույնը, ինչի մասին պարոն Փաշինյանը անընդհատ ասում է՝ եթե ինձ հետ համաձայն չեք, դուրս եկեք հեղափոխություն արեք, է մենք էլ դա էինք պլանավորում։
Բայց եթե դուք բռնում եք մարդկանց, ապօրինի ցուցում տալով ձայնագրությունները կտրատում եք ու ներկայացնում այնպես, որ իբր բռնություններ են պլանավորվել, ապա այդ հեղափոխությունը ո՞նց պետք է անենք։ Հետո ասում են՝ եթե մարդիկ դուրս չեկան հեղափոխություն անելու, ուրեմն համաձայն են իմ արածների հետ։ Պատկերացնո՞ւմ եք՝ ինչի մեջ ենք»։
Ավետիսյանը նշել է, որ շարժման նպատակը եղել է բացառապես խաղաղ հեղափոխություն իրականացնելու գաղափարը, և այդ գործընթացի մեջ բռնություն որևէ կերպ չի նախատեսվել։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը