Սամվել Կարապետյանի կողմից ստեղծվող քաղաքական ուժը կարող է իրական այլընտրանք դառնալ
Գործարար, բարերար, ներկայումս կեղծ մեղադրանքներով կալանքի տակ գտնվող Սամվել Կարապետյանը դեռ չի ավարտել իր հռչակած նոր քաղաքական ուժի ձևավորումը, սակայն այն արդեն իսկ հանրային լայն աջակցություն է ստանում։ Սա, ըստ վերլուծաբանների, լրջագույն մտահոգություն է առաջացնում գործող իշխանությունների մոտ։
GALLUP International Association-ի հայաստանյան ներկայացուցչության անցկացրած վերջին հարցումները արձանագրում են Կարապետյանի առաջնորդած ուժի վարկանիշի շեշտակի աճ։ Հարցին՝ «Եթե առաջիկա կիրակի օրը լինեին խորհրդարանական ընտրություններ, ո՞ր կուսակցության կամ դաշինքի օգտին կքվեարկեիք», օգոստոսի վերջին անցկացված հարցման մասնակիցների 13,4 տոկոսը նշել է Սամվել Կարապետյանի կուսակցությունը։
Առաջատարի դիրքերը դեռ պահպանում է «Քաղաքացիական պայմանագիր» կուսակցությունը՝ 17,3 տոկոսով։ Կարապետյանի հռչակած ուժը երկրորդ տեղում է, իսկ երրորդ տեղում՝ «Հայաստան» դաշինքը՝ 6,4 տոկոսով։ Հաջորդում են «Բարգավաճ Հայաստան» կուսակցությունը՝ 3,8 տոկոս, և Հանրապետական կուսակցությունը՝ 3,4 տոկոս։ ԴՕԿ կուսակցությունը կստանար 2,5 տոկոս, իսկ մնացած ուժերը՝ 1 տոկոսից պակաս։
Ուշագրավ է նաև ընտրություններին մասնակցության միտումը․ հարցվածների միայն 23,9 տոկոսն է հայտարարել, որ ընդհանրապես չի քվեարկի։ 5 տոկոսը հրաժարվել է պատասխանել, իսկ 16,3 տոկոսը դժվարացել է ընտրություն կատարել։ Նախորդ հարցումներում այս թվերը անհամեմատ բարձր էին, ինչը վկայում է, որ հանրության հուսահատությունը սկսում է տեղիտալ, և քաղաքացիները նոր այլընտրանք տեսնելով՝ պատրաստ են քվեարկել ընդդիմադիր ուժերին։
«GALLUP»-ի հայաստանյան ներկայացուցիչ Արամ Նավասարդյանի խոսքով, Սամվել Կարապետյանի կողմից ստեղծվող կուսակցության ցուցանիշը ամենամեծ փոփոխությունն է․ ընդամենը երկու ամսում այն աճել է գրեթե 5 անգամ՝ 2,8 տոկոսից հասնելով 13,4-ի։ Նավասարդյանի խոսքով՝ այժմ երկրորդ տեղում լինելն այնքան էլ էական չէ․ աճի միտումները ցույց են տալիս, որ Կարապետյանի նախաձեռնությունը կարող է կարճ ժամանակում վերածվել իրական այլընտրանքի՝ համախմբելով լայն զանգվածների և լրջագույն մարտահրավեր նետելով իշխող ուժին։
Հիշեցնենք, Սամվել Կարապետյանը, ով հունիսի վերջից կալանքի տակ է, հայտարարել էր, որ ստեղծվելու է սկզբունքորեն նոր քաղաքական ուժ։ Նրա խոսքով՝ նոր թիմը չի բացառելու ներքաղաքական համագործակցությունը համախոհների հետ։ «Մենք Հայաստանի համար լավ ապագա կառուցելու մեր պատկերացումն ունենք։ Գնալու ենք մեր ճանապարհով, մեր նոր թիմով՝ փորձելով համախմբել մեր ժողովրդին արդար ու մեծ նպատակների շուրջ», — նշել էր գործարարը։
Օրեր առաջ էլ ներկայացվեց «Մեր ձևով» ժողովրդական կամավորական շարժումը, որի հիմքի վրա առաջիկայում ստեղծվելու է Սամվել Կարապետյանի նոր քաղաքական կուսակցությունը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը