Փաշինյանը հանձնարարություններ է տալիս ուժայիններին և իրավապահներին
Նիկոլ Փաշինյանը ողջ թափով լցվել է աշխատանքային գործունեությանը․ վերջին օրերին նա հանդիպումներ է ունեցել իրավական և ուժային բլոկի ներկայացուցիչների հետ։ Աշխատանքային հանդիպումներ է ունեցել Միջազգային իրավական հարցերով ներկայացուցիչ Կարեն Անդրեասյանի, արդարադատության նախարար Սրբուհի Գալյանի, ԱԱԾ տնօրեն Անդրանիկ Սիմոնյանի, Արտաքին հետախուզության ծառայության պետ Քրիստինե Գրիգորյանի, Պաշտպանության նախարար Սուրեն Պապիկյանի հետ։ Թե ինչ են քննարկել Փաշինյանն ու այս պաշտոնյաները, չի հաղորդվում․ առաջիկայում Փաշինյանը հանդիպումներ է ունենալու նաև Քննչական և Հակակոռուպցիոն կոմիտեների նախագահների, գլխավոր դատախազի հետ։
ՔՊ մեր աղբյուրի փոխանցմամբ, քննարկման առանցքում հիմնականում ընդդիմության դեմ գործողություններն են, առաջիկայում հնարավոր ֆորս-մաժորային իրավիճակներին ուժայինների և իրավապահ մարմինների արձագանքը, ինչպես նաև խորհրդարանական արտահերթ ընտրություններին պատրաստվելը։ Փաշինյանը հասկանում է, որ առանց ուժային մեթոդների, ինչպես նաև բռնաճնշումների, հնարավոր չի լինելու պահպանել սեփական իշխանությունը․ իսկ նա կենաց-մահու կռիվ է տալիս հանուն դրա պահպանման։ Պաշտոնյաներին էլ զանգահարելու փոխարեն ուղղակի կանչում է իր մոտ և հանձնարարություններ տալիս, թե ինչպես պետք է վարվեն ընդդիմադիր տարբեր գործիչների նկատմամբ։
Մեր աղբյուրի փոխանցմամբ՝ իշխանության հիմնական թիրախում դատարաններն են։ Մասնավորապես՝ ԱԱԾ-ին և Հակակոռուպցիոն կոմիտեի նախագահներին հանձնարարելու է բավարար չափով կոմպրոմատներ հավաքել տարբեր դատավորների դեմ, որպեսզի վերջիններս հանկարծ չթպրտան, ինքնուրույնության նշաններ չդրսևորեն։ 2018 թ․-ին իշխանության գալուց հետո Փաշինյանն ամեն ինչ արել է դատական համակարգը աղավաղելու համար, բայց դեռևս անկախության որոշակի դրսևորումներ այդ համակարգում առկա են, և այժմ նա փորձում է ամեն ինչ անել այն վերջնականապես իր ձեռքում կենտրոնացնելու նպատակով։
Փաշինյանը նաև լուսանկար է հրապարակել, որտեղ առաջին պլանում 2021 թ․ քարոզարշավին օգտագործած իր մուրճն է։ Ինչ խոսք, չափազանց խորհրդանշական։
Մարի Ասատրյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը