Նեպալի ժամանակավոր կառավարության ղեկավարը խոսել է ընտրությունների անցկացման ժամկետների մասին
Նեպալի Գերագույն դատարանի նախկին ղեկավար Սուշիլա Կարկին, որի թեկնածությանը՝ որպես ժամանակավոր կառավարության ղեկավար, երկիրը փոթորկած անկարգություններից հետո աջակցել են երկրի բանակն ու ցուցարարները, հույս ունի ընտրություններ կազմակերպել մեկ տարվա ընթացքում։ Ինչպես հաղորդում է «Արմենպրես»-ը, այս մասին նա ասել է տեղի հեռուստաալիքներից մեկին տված հարցազրույցում։
«Նախ և առաջ անհրաժեշտ է վերականգնել խաղաղությունը։ Ես չեմ ասում, որ կարող եմ իրականացնել լայնածավալ տնտեսական բարեփոխումներ։ Իմ առաքելությունն է կազմակերպել ընտրություններ և իշխանությունը հանձնել նոր ղեկավարությանը», - News18-ին տված հարցազրույցում ընդգծել է Կարկին։ Նա հավելել է, որ ստեղծված իրավիճակում կարևոր է կանխել ընտրությունների արդյունքի վրա ցանկացած ֆինանսական ազդեցություն և երաշխավորել դրանց արդարությունը։
Նրա գնահատականներով՝ ընտրությունների կազմակերպումը կարող է տևել վեց ամսից մինչև մեկ տարի։ «Ես պրոֆեսիոնալ քաղաքական գործիչ չեմ, ես դատավոր եմ և երկարաժամկետ քաղաքական հավակնություններ չունեմ», - ընդգծել է Կարկին՝ չբացառելով, որ ընտրությունները կարող են առաջ բերել նոր կամ ավելի երիտասարդ առաջնորդների։
Շաբաթվա սկզբից Նեպալի տարածքում տեղի ունեցան զանգվածային բողոքի ցույցները, որոնք կազմակերպվում էին ի նշան բողոքի՝ ընդդեմ երկրում կոռուպցիայի և սոցցանցերի արգելքի։ Ցույցերի հետևանքով հրաժարական տվեց վարչապետ Շարմա Օլին։ Սեպտեմբերի 9-ին՝ բողոքի ցույցերի ֆոնին, կառավարությունը վերացրեց սոցիալական ցանցերի արգելքը:
Կարկին Նեպալի Գերագույն դատարանի ղեկավարի պաշտոնը զբաղեցրել է 2016-2017 թվականներին՝ դառնալով երկրում այս պաշտոնը զբաղեցրած առաջին կինը։ Նա հայտնի է դատական համակարգում կոռուպցիայի դեմ պայքարի ջանքերին իր աջակցությամբ։
Դատավորի պաշտոնից հեռանալուց հետո նա դարձել է քաղաքացիական հասարակության ակտիվիստ։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը