Ասել եմ տղաներին, որ վերադառնալուց պետք է հիշեն՝ գալիս են ընտանիք․ Եղիշե Մելիքյան
Հայաստանի ազգային հավաքականի նորանշանակ գլխավոր մարզիչ Եղիշե Մելիքյանը, որի գլխավորությամբ մեր ընտրանին տարել է մեկ հաղթանակ և կրել մեկ պարտություն, սեպտեմբերի 10-ին հարցազրույց է տվել Հանրային հեռուստաընկերության լրագրող Պետրոս Ղազարյանին, փոխանցում է Armsport.am-ը:
Հայ մասնագետը պատասխանել է, թե ինչ նպատակով է գլխավորել ազգային հավաքականը և ինչ ծրագրեր ունի առաջիկա տարիների համար։
«Ես ասել եմ, որ եթե ցանկանում եք լուծել որևէ խնդիր և արդյունք ստանալ, պետք է հաշվի առնել, որ երկար տարիներ մենք բախվում ենք այդ խնդիրներին, և դրանք արագ լուծել չենք կարող: Չենք կարող անմիջապես նպատակ դնել բարձր արդյունքների հասնելու համար: Ես եկել եմ և առաջին հերթին հայտարարել եմ, թե ինչու եմ այստեղ: Եթե այս ընտրական փուլում ինձնից անմիջապես արդյունք եք պահանջում, ես դրան պատրաստ չեմ: Բայց եթե ցանկանում եք տեսնել թիմ, որն ունի ապագա, պատրաստ է հետագայում լուծել խնդիրներ և հասնել արդյունքների, և այսօր ինձ հնարավորություն եք տալիս աշխատել խնդիրների լուծման ուղղությամբ, ես պատրաստ եմ վերցնել այդ բեռը: Իմ պայմանագիրը երկարաժամկետ է՝ հենց այդ նպատակով:
Հաշվի առնելով, որ նպատակը ոչ թե անմիջական արդյունքն է, այլ թիմային ոգին բարձրացնելը, հավատ ներշնչելը, նվիրվածությունն ու արժեքները ֆուտբոլիստներին փոխանցելը: Խաղացողները պետք է հասկանան ակումբային և ազգային հավաքականի խաղերի տարբերությունը: Երեկ ես տղաներին ասացի. «Ցտեսություն, գնացեք ձեր ակումբներ, բայց հիշեք՝ այստեղ դուք չեք աշխատել, այստեղ դուք ապրել եք մեր ազգի հետ: Հաջորդ անգամ, երբ վերադառնաք, իմացեք, որ վերադառնում եք ընտանիք»,- ասել է Մելիքյանը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը