Ռումինիան հրավիրել է Ռուսաստանի դեսպանին․ Մոսկվան մերժել է ներկայացված բողոքը
Ռումինիան կիրակի օրը վճռականորեն դատապարտել է ռուսաստանյան անօդաչու թռչող սարքի ներխուժումը երկրի օդային տարածք՝ Ուկրաինայի դեմ իրականացված հարձակման ընթացքում, հայտնում է AFP գործակալությունը։ Դեպքի կապակցությամբ Ռումինիայի արտաքին գործերի նախարարությունը հրավիրել է Բուխարեստում Ռուսաստանի դեսպան Վլադիմիր Լիպաևին։
Ներխուժումը տեղի է ունեցել մի քանի օր անց այն բանից հետո, երբ ՆԱՏՕ-ի անդամ Լեհաստանը հայտարարել էր, որ խոցել է ռուսաստանյան անօդաչու սարքեր, որոնք խախտել էին իր օդային տարածքը՝ Մոսկվայի կողմից Ուկրաինայի տարածքի ռմբակոծման ժամանակ։
Ռումինիայի արտգործնախարար Օանա Տոյուն հայտարարել է, որ դեսպանը կհրավիրվի նախարարություն՝ շաբաթ օրը տեղի ունեցած միջադեպի կապակցությամբ։ Կիրակի երեկոյան հանդիպումից հետո նախարարությունը հայտնել է, որ Ռումինիան «հայտնել է իր վճռական բողոքը այս անընդունելի և անպատասխանատու գործողության դեմ, որը խախտում է երկրի ինքնիշխանությունը»։
Ի պատասխան՝ ՏԱՍՍ գործակալությունը հաղորդում է, որ Ռումինիայում Ռուսաստանի դեսպան Վլադիմիր Լիպաևը մերժել է իրեն ներկայացված բողոքը՝ կապված ռուսաստանյան անօդաչու սարքի՝ իբր ռումինական օդային տարածք ներխուժման հետ՝ միջադեպը որակելով որպես «Կիևի ռեժիմի հերթական սադրանքը»։
Ըստ դեսպանի, Ռումինիայի ԱԳՆ-ում կայացած հանդիպման ընթացքում «ոչ մի հստակ և համոզիչ պատասխան չի տրվել»՝ իբր ներխուժած սարքի նույնականացման վերաբերյալ։ «Քանի որ չկար որևէ օբյեկտիվ հաստատում սարքի պատկանելիության մասին, բողոքը մերժվել է որպես անհիմն և մտացածին։ Բոլոր փաստերը վկայում են, որ սա Կիևի ռեժիմի հերթական սադրանքն է, որը՝ վախենալով անխուսափելի ռազմական պարտությունից և պատասխանատվությունից՝ ռուսաստանցի և ուկրաինացի ժողովուրդների դեմ կատարած հանցագործությունների համար, փորձում է ցանկացած միջոցներով Ռուսաստանի դեմ վտանգավոր ռազմական արկածախնդրության մեջ ներքաշել այլ երկրների», – նշել է Լիպաևը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը