Փաշինյանի սիրտը փոխվարչապետների փոփոխություն է ցանկանում
Սեպտեմբերի 20-ին «Քաղաքացիական պայմանագիր» կուսակցության համաժողովից հետո Փաշինյանը որոշ վերադասավորումներ է իրականացնելու Հայաստանի կառավարության կազմում։ Ընդ որում, մեր տեղեկություններով, հարվածի տակ են առաջին հերթին երկու փոխվարչապետները՝ Մհեր Գրիգորյանն ու Տիգրան Խաչատրյանը։ Փաշինյանը ցանկանում է առնվազն նրանցից մեկին հեռացնել զբաղեցրած պաշտոնից և իր տեղակալների գլխին կոտրել տնտեսական ձախողված քաղաքականությունը։
Թե՛ Գրիգորյանը, թե՛ Տիգրան Խաչատրյանը տեղյակ են, թե ինչ է իրենց սպասվում, և փորձել են այլ ուժերի օգնությամբ Փաշինյանից երաշխիքներ կորզել, որ իրենց պաշտոնանկ չի անի։ Ըստ ամենայնի, Փաշինյանը առնվազն մեկ փոխվարչապետի կհեռացնի զբաղեցրած պաշտոնից, և դա լինելու է Տիգրան Խաչատրյանը։ Վերջինս, հիշեցնենք, այդ պաշտոնին նշանակվեց 2022 թ․-ին, երբ Սուրեն Պապիկյանին տեղափոխեցին Պաշտպանության նախարարություն։ Խաչատրյանը դրանից հետո հասարակական լուրջ ակտիվությամբ հանդես չի եկել, գլուխը կախ իր գործն է արել, երբեք սկանդալային պատմություններում չի հայտնվել։ Բայց նաև թիմի անդամ դառնալ կտրականապես հրաժարվում է և չի ցանկանում անդամակցել «Քաղաքացիական պայմանագիր» կուսակցությանը։
ՔՊ-ին անդամակցելուց հրաժարվել է նաև Մհեր Գրիգորյանը։ Վերջինիս հեռացնելը, սակայն, ավելի դժվար գործ է, քանի որ, ի տարբերություն Տիգրան Խաչատրյանի, Մհեր Գրիգորյանը մի շարք հարցերում կարևորագույն առաքելություն է ստանձնել։ Մասնավորապես՝ Ադրբեջանի հետ սահմանազատման և սահմանագծման հանձնաժողովների համանախագահն է, տիրապետում է բավականին լուրջ տեղեկատվության, ուստի վերջինիս հեռացնելն այժմ Փաշինյանին ձեռնտու չէ։ Գրիգորյանի հարցին կանդրադառնան սահմանազատում և սահմանագծում իրականացնելուց հետո։ Իսկ Տիգրան Խաչատրյանի պաշտոնի համար Փաշինյանն արդեն թեկնածուներ ունի, բայց թիմակիցներին չի բացահայտում։
Անուշ Պետրոսյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Դիլիջանի «արու» համայնքապետը որոշում է փոխել, որ պարգևավճար տա. «Ժողովուրդ»