Ադրբեջանը նոր «պիեսներ» է բեմադրում Հայաստանի դեմ
Օրերս ադրբեջանական պետական աղբյուրները հայտնեցին, թե Ստեփանակերտում ձերբակալել են Կարեն Ավանեսյան անունով հայ տղամարդու, որն իբր փորձել է դիվերսիա իրականացնել, երբ Իլհամ Ալիևը օկուպացված Ստեփանակերտում բացում էր համալսարանի նոր մասնաշենքը։ Նույնիսկ տեսանյութ էին տարածել, թե ինչպես է Ավանեսյանը քայլում՝ ուսապարկը ձեռքին, ապա հայտարարել, թե նա կրակոցներ է արձակել ոստիկանության հետ դիմադրության ժամանակ, վիրավորվել և ձերբակալվել։
Ակնհայտ էր, որ Ադրբեջանը ինչ-որ նոր բեմադրություն է փորձում կազմակերպել Հայաստանի դեմ՝ օգտագործելով Արցախի հայաթափումից հետո Ստեփանակերտում մնացած հատուկենտ հայերից մեկին, ով, ի դեպ, հոգեկան խնդիրներ ունի։
Երեկ էլ ադրբեջանական լրատվամիջոցները հայտարարել են Շուշիում զինամթերքի մեծ խմբաքանակի հայտնաբերման մասին։ Հայտարարության համաձայն՝ Շուշիի շրջանի Հին Շեն գյուղում մեծ քանակությամբ զենք ու զինամթերք է հայտնաբերվել ու առգրավվել։ Տարածվող տեսանյութերում երևում են ինքնաձիգեր, ատրճանակներ, շարժական ռադիոկայաններ, սաղավարտներ և «ԱԱԾ» հայատառ գրությամբ զրահաբաճկոններ։ Ակնհայտորեն սա նախօրեին տեղի ունեցած բեմադրության շարունակությունն է։
Թե որն է Ադրբեջանի դրդապատճառը կրկին սրելու իրավիճակը և փորձելու լարվածություն առաջացնել՝ պարզ չէ։ Փաստն այն է, որ Ադրբեջանն այսպիսի գործողություններով ինչ-որ բան է նախապատրաստում, հատկապես օգոստոսի 8-ի հռչակագրից և համաձայնագրի նախաստորագրումից հետո։
Մարի Հակոբյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը