Թուրքիայում ոգևորվել են ՀՀ կառավարության որոշումից
Հայկական անձնագրերում մուտքի կամ ելքի սահմանահատման կնիքից Արարատ լեռան պատկերը հեռացնելը շարունակում է փոթորկել սոցիալական ցանցերը, իշխանություններն էլ հիմար փաստարկներ են ներկայացնում, թե ինչու պետք է դրոշմակնիքներից հեռացնեն Արարատի պատկերը, նաև փորձում են համոզել, թե որևէ պարտադրանք չի եղել թուրքական կողմից։ Այն, որ այս որոշումը չափազանց ոգևորել է թուրքական իշխանություններին և լրատվամիջոցներին, կարելի է պարզ դատել՝ հետևելով թուրքական առաջատար պարբերականների հրապարակումներին։
CNN Turk-ը նշել է, որ Հայաստանի անձնագրերում և պաշտոնական փաստաթղթերում Արարատ լեռան պատկերի օգտագործումը նախկինում Հայաստանի և Թուրքիայի միջև քննարկումների տեղիք է տվել։ «Ենի Շաֆաք» պարբերականն էլ Արարատ լեռան հետ կապված որոշումը վերնագրել է այսպես․ «Հայաստանը դադարում է համառել»։ Ըստ այդ պարբերականի՝ ՀՀ կառավարության որոշմամբ Թուրքիայի հետ սերտորեն առնչվող 100 տարվա խորհրդանիշը պատմություն է դառնում։ Թուրքական կառավարության խոսափող «Հյուրիեթ» պարբերականն էլ Արարատ լեռան պատկերը հեռացնելու որոշումը «Երևանի բարի կամքի նշան և իմաստալից քայլ» է անվանել՝ նշելով, թե պաշտոնական Երևանը Թուրքիայի հետ հարաբերությունների կարգավորման ֆոնին հրաժարվում է ծայրահեղ ազգայնական խոսույթից, որը ձևավորվել է հայկական սփյուռքի ազդեցությամբ։
Թուրքական պարբերականը նաև հիշեցնում է Հայաստանի Անկախության հռչակագիրը Սահմանադրությունից հեռացնելու Փաշինյանի մտադրության մասին։ Այս ամենը վկայում է, որ հենց թուրքական կողմի բուռն պահանջով է իրականացվել այս օպերացիան, և Հայաստանի իշխանություններին պարտադրել են հեռացնել Արարատ լեռան պատկերը։ Այժմ փաշինյանական իշխանությունը և նրա քարոզիչները նույնիսկ փաստարկներ չունեն, թե ինչու են անում այդ անհեթեթ և հակահայկական քայլը։
Աննա Գևորգյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը