ՍԴ-ն որոշել է քննել ՀԷՑ-ի հարցը
Սահմանադրական դատարանը ավելի քան երկու ամսվա լռությունից հետո օրերս վարույթ է ընդունել ընդդիմադիր պատգամավորների դիմումը, որով նրանք վիճարկում են «Հայաստանի էլեկտրական ցանցերի» վերաբերյալ հրատապ կարգով ընդունված օրենքների Սահմանադրությունը։ Ընդ որում, Սահմանադրական դատարանը խախտել է իր աշխատակարգի կետերը և 30 օրվա ընթացքում պետք է որոշեր՝ դիմումը վարույթ ընդունե՞լ, թե՞ ոչ։ Սակայն միայն երկու ամիս անց է բարեհաճել այս դիմումը ընդունել։
Հիշեցնենք, Սամվել Կարապետյանին ձերբակալելուց և կալանավորելուց հետո Փաշինյանը անցավ «Հայաստանի էլեկտրական ցանցերը» պետականացնելու ապօրինի գործողությանը, որն արդեն իսկ լրջագույն հետևանքներ է առաջացրել Հայաստանի Հանրապետության համար։ Օրերս միջազգային հեղինակավոր վարկանիշային ընկերություններից մեկը՝ «Մուդիսը», նվազեցրել է «Հայաստանի էլեկտրական ցանցեր» ընկերության վարկանիշը՝ հետագա գործունեության կանխատեսումը կայունից դարձնելով բացասական։ Կենտրոնական բանկի նախագահ Մարտին Գալստյանը հույս է հայտնել, թե ՀԷՑ-ի հետ կապված անորոշությունները արագ լուծում կստանան, և արդյունքում ռեյտինգի նվազեցումը կլինի ու կրի կարճաժամկետ բնույթ։ Սակայն որևէ փաստարկ չի ներկայացրել, թե ինչու պետք է այդպես լինի։
Ըստ էության, Ստոկհոլմի միջազգային արբիտրաժի որոշումից հետո Հայաստանին բավականին լուրջ խնդիրներ են սպասվում, մինչդեռ Հայաստանի գործող իշխանությունները հրաժարվում են որևէ կերպ կատարել արբիտրաժի պարտադիր ենթակա որոշումը։ Իհարկե, վստահաբար, Սահմանադրական դատարանն էլ մերժելու է ընդդիմադիրների բողոքը։ Նիկոլ Փաշինյանը այս դատարանում գրեթե ամբողջությամբ իր մարդկանց է նշանակել, և 1-2 բացառությունները չհաշված, ՍԴ-ն դակում է գործող իշխանությունների ներկայացրած բոլոր պահանջները։ Սակայն այս ընթացակարգն էլ պարտադիր է անցնելու՝ հետագայում միջազգային ատյաններում «Հայաստանի էլեկտրական ցանցեր» ընկերության սեփականատիրոջ շահերը ներկայացնելու համար։
Ալինա Մեհրաբյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը