Նիկոլ Փաշինյանը կընտրի Ալեն Սիմոնյանին, իսկ Հայկ Սարգսյանը կհեռացվի, որովհետև ՔՊ-ում դիմագիծ ունեցող մարդ չպետք է լինի․ Աղազարյան
Հայկ Սարգսյանը կամ ուրբաթ օրը վարչության ընտրության համաժողովի ժամանակ, կամ համաժողովից հետո կլքի «Քաղաքացիական Պայմանագիր» կուսակցության շարքերը, որովհետև իր վառ երևակայական նկռտումները, դրական իմաստով, վերածվեցին հողմաղացների դեմ պայքարի։ Այս մասին լրագրողների հետ զրույցում ասել է ԱԺ պատգամավոր Հովիկ Աղազարյանը։
«Ամբողջությամբ ուրիշ տրամաբանություն է դրված ՔՊ-ում, և այդ տրամաբանությամբ իր նման տղերքը այնտեղ տեղ չունեն։ Ինքն ազնիվ նկռտումներ ուներ, ես իհարկե իր հետ խոսել եմ, որոշ անհամաձայնություններ եմ հայտնել իր առաջարկած նախագածերի վերաբերյալ, բայց ինքը ազնիվ մղումներ ուներ։ Ալեն Սիմոնյանը ևս իր անհամաձայնությունն է հայտնել Հայկ Սարգսյանի տեսակետների հետ կապված, բայց Սիմոնյանը Սարգսյանի հետ բանավեճը տանում է ուրիշ հարթություն։ Հիմա կամ իրեն հեռացնելու են, կամ ինքն է դուրս գալու կուսակցությունից»,-ասել է Աղազարյանը։
Նա նշել է, որ պատգամավորների վեճի մանրամասներից տեղյակ չէ․ «Ես միայն կարող եմ ասել, որ Հայկ Սարգսյանը դիմագիծ ունեցող քաղաքական գործիչ է, բայց հիմա ՔՊ-ում դիմագիծ ունեցող մարդ չպետք է լինի, պետք է լինեն Նիկոլ Փաշինյանի կողմից նկարված, ստանդարտացված անձնավորություններ»։
Ըստ Աղազարյանի Փաշինյանը ընտրություն անելուց կընտրի Ալեն Սիմոնյանին, իսկ Հայկ Սարգսյանը կհեռանա․ «Ո՞վ չի ուզենա ԱԺ նախագահի նման հնազանդ մարդ ունենա, ինքը չի հասկանում՝ ով է, բայց հնազանդ, կուրորեն ծառայում է մի մարդու, Նիկոլ Փաշինյանը գիտի, որ Ալեն Սիմոնյանը չի ծառայում իրեն, այլ գնահատում է իր «աստվածային մեծությունը», և այստեղ է Ալեն Սիմոնյանի արժանիքը, որ էդպիսի դիրքորոշում է ցուցաբերում»։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը