«Համահայկական ճակատ» շարժման առաջնորդի շնորհավորական ուղերձը Հայաստանի Անկախության օրվա առթիվ
Քույրեր և եղբայրներ, սիրելի՛ հայեր։
«Համահայկական ճակատ» շարժման և անձամբ իմ անունից շնորհավորում եմ ձեզ Հայաստանի Անկախության օրվա կապակցությամբ։ Մենք նշում ենք Հայաստանի անկախության վերականգնման 34-ամյակը։
Հայոց պետության վերածնունդը վերջին երկու հարյուր տարիների ընթացքում անցել է տարբեր դաժան փորձություններ․ պատերազմներ, տնտեսական ճգնաժամեր, տրանսպորտային շրջափակումներ և հեղափոխական ցնցումներ։ Սակայն ազատության և անկախության հասնելու ձգտումը թույլ տվեց Հայաստանի ժողովրդին տոկալ և շարունակել պետականաշինության իր ճանապարհը։
Երեք տասնամյակից ավելի մենք կառուցում ենք բոլոր հայերի երազած անկախ պետությունը, որը և դարձավ Հայաստանի ժողովրդի միասնական կամքի արտահայտություն։
Մենք չափազանց բարձր գին վճարեցինք անկախության համար և պետք է պահպանենք այն։ Հայաստանի անկախության վերականգնումը անբաժանելիորեն կապված էր Արցախում մեր տարած հաղթանակի հետ և սնվեց այդ հերոսական հաղթանակով, որը դարձավ ազգի ինքնության մաս։ Տարիների ընթացքում միասին հաղթահարելով դժվարությունները՝ մենք կառուցեցինք մեր պետականությունն ամուր հիմքի վրա. ստեղծեցինք և զարգացրինք Զինված Ուժերը և Արցախի պաշտպանության բանակը, կենսունակ պետական ինստիտուտներ, այդ կառույցների միջոցով հաջողությամբ ապահովեցինք պետության անվտանգությունն ու կենսունակությունը։ Մենք դարձանք միջազգային իրավունքի լիարժեք սուբյեկտ, Հարավային Կովկասում աշխարհաքաղաքական հավասարակշռության կարևոր գործոն, և որպես կայացած ու կայուն պետություն՝ մենք դիմակայեցինք արտաքին մարտահրավերներին, դարձանք Արցախում մեր եղբայրների ու քույրերի անվտանգության երաշխավորը։
Սակայն Հայաստանի ներկայիս ղեկավարությունը, օգտագործելով կեղծ և շինծու կարգախոսներ, խաբելով հայ ժողովրդին, 2018 թվականին զավթելով իշխանությունը և չկատարելով իր իսկ խոստումներից որևէ մեկը, «հեղափոխական» տենդով մղված՝ մտածված քանդում է պետության ինստիտուցիոնալ հիմքերը, վերացնում և ոչնչացնում ավանդական ազգային արժեքները, սերմանում անհանդուրժողականություն և փոխադարձ ատելություն։ Արդյունքում, ազգային անվտանգության, ինքնիշխանության և տարածքային ամբողջականության ապահովման ու պաշտպանության բոլոր բաղադրիչները տարեցտարի թուլանում են և ինքնաոչնչացվում։ Մենք կորցրել ենք այն, ինչով հպարտանում էինք վերջին երեսուն տարիների ընթացքում, ինչը երկրին տալիս էր ուժ ու աշխարհաքաղաքական արժեք։
Հնարավոր չէ ազատությանը ու ժողովրդավարությանը հասնել մի երկրում, որտեղ տիրում է ավտորիտարիզմ, չկա քաղաքացիական համախմբում, օրենքի գերակայություն, արդարադատություն, արդար տնտեսական մրցակցություն, հարգանք ավանդույթների նկատմամբ։
Այժմ Հայաստանը կանգնած է նոր մարտահրավերների և վտանգների առջև, որոնց մեր պետությունը կարող է դիմակայել միայն ազգային նպատակների շուրջ միավորման, քայքայիչ հակաազգային երևույթների դեմ համատեղ պայքարի և երկրի զարգացման ուղղությամբ ամենօրյա ջանասեր աշխատանքի շնորհիվ։
Շնորհավորելով այսօր ձեզ Անկախության օրվա առթիվ՝ ցանկանում եմ հայտնել իմ հույսն ու վստահությունը, որ ժողովուրդը կգտնի իր մեջ ուժ՝ ազատվելու ազգային աղետի պատճառ դարձած այս թուրքամետ և դավաճան կառավարությունից։ Ուժեղ, բարգավաճ Հայաստան կառուցելու այլ ճանապարհ պարզապես չկա։
Ես չեմ կասկածում, որ միասին մենք կարող ենք հաղթահարել բոլոր դժվարությունները և կառուցել Հարավային Կովկասի ամենակազմակերպված, անվտանգ և ժամանակակից պետությունը։
Եվս մեկ անգամ շնորհավորում եմ Հայաստանի ժողովրդին և բոլոր հայերին Անկախության օրվա առթիվ։ Աստված պահապան մեր հայրենիքին և ժողովրդին։
«Համահայկական ճակատ» շարժման առաջնորդ
գեներալ-մայոր Արշակ Կարապետյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Վարդան Ղուկասյանին մեղսագրվող կաշառքի գործը կգնա դատարան. նրան 10 տարվա ազատազրկում է սպառնում
ՌԴ-ն հրթիռներով և անօդաչու թռչող սարքերով զանգվածային հարվածներ են հասցրել Ուկրաինային․ տուժածներ կա
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
ԱԺ-ում կքննարկվի Հեռուստատեսության և ռադիոյի հանձնաժողովի անդամ Հակոբ Հակոբյանի լիազորությունները դա...
Ռուբլին թանկացել է․ փոխարժեքն՝ այսօր
Պարզապես որոշել են քրեական վարույթ չնախաձեռնել ու... վերջ. «Փաստ»
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Ժամկետի կրճատումով պլանավորված խնդիրներն արտահայտվելու են 2027-ի ամռանը, երբ 1.5 տարով զորակոչվածներ...