Ո՞վ կդառնա քավության նոխազը՝ նախարա՞րը, թե՞ ոստիկանապետը
Ոստիկանությունը մինչ այս պահը որևէ անձի չի ձերբակալել Արմավիրի մարզի Մերձավան բնակավայրում տեղի ունեցած սպանության դեպքով։ Հիշեցնենք, երեկ կրակոցներ էին հնչել, սպանվել էին Փարաքարի համայնքապետ Վալոդյա Գրիգորյանը, նրա ընկեր՝ ոստիկան Կարեն Աբրահամյանը, իսկ Արծրուն Գալստյանը հիվանդանոցում է ծայրահեղ ծանր վիճակում։ Դեպքի վայրում իրավապահները 18 պարկուճ են գտել։
Սպանությունից անմիջապես հետո Փաշինյանն առավոտյան գրառում էր արել՝ ցավակցելով, միաժամանակ ուղղորդելով քննությանը, թե որ ճանապարհով պետք է գնան։ Մերձավանում տեղի ունեցած սպանությունը հերթական անգամ վկայում է, որ երկրում անպատժելիության խայտառակ մթնոլորտ է ստեղծվել։ Ոստիկանական և իրավապահ համակարգը դարձել են փաշինյանական իշխանության կցորդ, կատարում են միայն վերջինիս հրահանգները, ապահովում գործող իշխանությունների անվտանգությունը, իսկ ընդդիմադիր գործիչներն ու պարզապես շարքային քաղաքացիները հայտնվել են ապօրինությունների ու հանցագործների հետ դեմ հանդիման՝ միայնակ ու անպաշտպան։
Իհարկե, Փարաքարի համայնքապետի սպանությունը չափազանց լուրջ արձագանք է գտել և գտնելու։ Ընդդիմադիր քաղաքական ուժերը երեկ արդեն հայտարարություններ են տարածել՝ արձանագրելով, որ ստեղծված իրավիճակի միակ մեղավորը հենց գործող իշխանություններն են։ ՔՊ-ական քարոզչամեքենան էլ վերջիններիս մեղադրանքներ էր հասցեագրում։ Իրականում, սակայն, ամեն ինչ շատ ավելի պարզ է. երկրում ստեղծված մթնոլորտի միակ պատասխանատուն միշտ էլ տվյալ պահի իշխանությունն է։ Ուստի Փաշինյանը, անկախ նրանից, թե ինչ ուղղությամբ կգնա Փարաքարի համայնքապետի սպանության քննությունը, լուրջ հետևություններ անելու կարիք ունի, նաև քավության նոխազներ նշանակելու, հատկապես երբ հասարակությունը պահանջում է ներքին գործերի նախարարի և նրա տեղակալ՝ ոստիկանապետի հրաժարականը։
Ըստ էության, Փաշինյանը նրանցից որևէ մեկին քավության նոխազ է դարձնելու և պաշտոնանկ անելու։ «Քաղաքացիական պայմանագիր» կուսակցության մեր աղբյուրների փոխանցմամբ՝ մեծ հավանականությամբ քավության նոխազը հենց ներքին գործերի նախարարն է լինելու։ Արփինե Սարգսյանին այդ պաշտոնում նշանակել են՝ հաշվի առնելով միջազգային կազմակերպությունների պահանջը։ Ինքը՝ Փաշինյանը, առանձնապես ցանկություն չունի վերջինիս հետ աշխատելու և կարևորագույն այդ պաշտոնին ցանկանում է նշանակել որևէ հավատարիմ ՔՊ-ականի։
Անուշ Մինասյան
Մեր բախտը բերեց, որ Կալիգուլայի նման ձիուդ կուսուլ չնշանակեցիր, թեպետ քո շրջապատում ձիերի պակաս չկար
Երևանում 18-ամյա երիտասարդը բանկում ձևակերպել է ոսկու գրավով վարկ․ ոսկին կեղծ է եղել
Ի՞նչ է խնդրել Ռոբերտ Քոչարյանը Պուտինին. «Հրապարակ»
Արագածոտնի մարզում «Opel»-ը բախվել է հողաթմբերին և գլխիվայր շրջվելով՝ բախվել ծառին. կան վիրավորներ
ՊԾ Երևանի գնդի հրամանատարի կարգադրությամբ հայտնաբերվել է մայթին կայանած Lexus-ը և տուգանվել վարորդը
Աղին բնակավայրի տարածքում վթարից տուժածների վիճակը շարունակում է մնալ ծանր և ծայրահեղ ծանր․ ԱՆ
Փաշինյանի հրահանգը՝ մարզպետներին. «Նենց արեք` ընդդիմադիր քաղաքացիները մեր կողմն անցնեն»․ «Իրավունք»
«Հարավկովկասյան երկաթուղի» ընկերությունը բարձրացրել է աշխատավարձերը
ԱՄՆ-ն ապրիլի 13-ին կսկսի Իրանի նավահանգիստներ մտնող կամ դուրս եկող նավերի շրջափակումը․ Թրամփ
Երևանի թիվ 143 դպրոցում վիճաբանություն է եղել. աշակերտի հայրը քաշքշել է 43-ամյա կնոջը