Հենց հիմա, շատերի զրկանքների գնով գրվում է մեր իրական պատմությունը․ Քրիստինե Վարդանյան
«Հայաստան» խմբակցության պատգամավոր Քրիստինե Վարդանյանը գրել է.
«Դատական նիստից առաջ գործընկերների հետ հերթական անգամ այցելել էինք Միքայել Սրբազանին:
Զրույցն, ինչպես միշտ, ընթացավ ամենատարբեր թեմաներով: Սրբազանն, ինչպես միշտ, շատ ուղիղ, առանց այլևայլությունների շատ սուր ու ուղիղ քննադատեց բոլոր քաղաքկան ուժերին, ծանր քննադատեց նաև մեր քաղաքական ուժին: Խոսեց օբյեկտիվ խնդիրներից, իր պատկերացումներից:
Մենք՝ երեք պատգամավորներով, լսում էինք նրան, հարցնում իր պատկերացրած ելքերի մասին, խոսում մեր պատկերացումներից:
Գիտեք ինչն է թույլ տալիս ունենալ նման խոսակցություններ, առանց մտածելու քեզնից տարբեր կարծիք ունեցողին բանտարկելու կամ հալածելու մասին. պարզ գիտակցումը, մեր ունեցած բոլոր տարակարծություններից ավելի մեծ և զորեղ են մեր ընդհանրությունները՝ Հայաստանի շահն ու ապագան:
Որքան փորձեն մեջտեղ բերել մեր տարբերությունները, ակնհայտ է, մենք ավելի շատ ու ավելի ուժեղ միավորող արժեքներ ունենք: Ու մեր խորհրդանիշերի դեմ արշավը, Միքայել Սրբազանի, բոլոր արդարների դեմ հետապնդումները սա ցույց են տալիս ամենավառ կերպով:
Որ արժեքին կամ անհատին հարվածում է վարչախումբը, նա էլ ի վերջո դառնում է ամենատարբեր մարդկանց միավորող առանցք:
Վերջում եկանք պարզ եզրակացության. որքան էլ փորձում են ջնջել մեր պատմությունը, հենց հիմա, շատերի զրկանքների գնով գրվում է մեր իրական պատմությունը, մեր ապագայի պատմության դասագրքերը, որտեղ հաստատ լինելու են նաև Միքայել Սրբազանի խոսքերը:
Արդյոք հիմա նրա նկատմամբ վրեժխնդրություն իրականացնողները լինելու են այդտեղ՝ վստահ չեմ: Գիտեմ միայն, որ այս մարդիկ՝ իրենց թիրախներով ցույց են տալիս հենց այն արժեքները, որոնք մեզ միավորում են անկախ մեր տարբերություններից:
Երևի պետք է անցնել այս ամենի միջով, մեր արժեհամակարգային հիմքերը վերգտնելու ու դրանց շուրջ միավորվելու համար»։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը