Փաշինյանի անատամ ելույթը ՄԱԿ-ում
ՄԱԿ-ի Գլխավոր ասամբլեայի 80-րդ նստաշրջանում ելույթ են ունեցել նախ Ադրբեջանի նախագահ Իլհամ Ալիևը, ապա՝ Հայաստանի վարչապետին պաշտոնը զբաղեցնող Նիկոլ Փաշինյանը։ Եթե Ադրբեջանի նախագահը շարունակել է ռազմատենչ հռետորաբանությունը, մեղադրանք է հասցեագրելով Հայաստանին և նոր սպառնալիքներ տալով, ապա Փաշինյանի ելույթը անատամ ու խեղճացած է եղել։
Ընդամենը Փաշինյանը հայտարարել է, թե Ադրբեջանի նախագահի կիրառած խոսույթը չի նպաստում խաղաղությանը։ Ի դեպ, նա չի պատասխանել նաև Ադրբեջանի նախագահի հայտարարություններին, թե «Հայաստանը էթնիկ զտումներ և ռազմական հանցագործություններ է իրականացրել, արհամարհել խաղաղ կարգավորման տարբերակները»։ Որևէ կերպ միջազգային հանրության առջև չի արձանագրել, որ էթնիկ զտումներն ու ռազմական հանցագործությունները իրականացվել են հենց ադրբեջանցիների կողմից։
Ադրբեջանում պահվող և արդեն երկար տարիներ խոշտանգվող հայ գերիների մասին էլ ընդամենը մեկ կիսատ-պռատ արտահայտություն է արել՝ նշել է, որ «խաղաղության կառուցման և դրա պահպանման համատեքստում չափազանց կարևոր է գտնվելու վայրը, անհայտ անձանց ճակատագրի պարզաբանումը և երկարամյա կոնֆլիկտի բերումով անազատության մեջ հայտնված անձանց հարցի հասցեագրումը», որը, ըստ Փաշինյանի, Հայաստանի կառավարության ամենօրյա աշխատանքի մաս է։
Ըստ էության, Նիկոլ Փաշինյանն արձանագրում է հերթական անգամ, որ վերածվել է Ադրբեջանի և Թուրքիայի խամաճիկի և չի կարողանում նույնիսկ Հայաստանի շահերից բխող հայտարարություններ անել ամենաբարձր ամբիոններից։ Եվ այս պայմաններում բնական է, որ Ադրբեջանը շարունակելու է լկտիանալ և նոր սպառնալիքներ տեղալ Հայաստանի հասցեին։ Այսպես է լինում, երբ երկրի ղեկը զբաղեցնում են անողնաշար և դավաճան իշխանությունները։
Սերինե Եղիազարյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը