«18 արդարների» դատավարությունն է այսօր, հաղթանակն այլընտրանք չունի․ «Սրբազան պայքար»

«Սրբազան պայքար» շարժումը հայտնում է՝ այսօր, ժամը 14։00-ին Շենգավիթի դատարանում կշարունակվի 18 արդարների դատավարությունը․

«Միասին աջակցենք Սրբազան պայքարի առաջնորդ, Հայրենիքի կալանավոր Բագրատ արք. Գալստանյանին և մնացած 17 արդարներին։ Սա էլ պայքարի փուլ է, որը պետք է հաղթահարել։

Հաղթանակն այլընտրանք չունի։

Կհանդիպենք այսօ, ժամը 14։00-ին Շենգավիթի դատարանի դիմաց (հասցե՝ ք. Երևան, Արշակունյաց պողոտա 24/1)»,- նշվում է շարժման տարածած հաղորդագրության մեջ։

Հիշեցնենք՝ մեղադրանք է առաջադրվել 18 անձի՝ ահաբեկչության և իշխանության յուրացման նախապատրաստման հոդվածներով։ Այսպես կոչված «ռեպրեսիաների» գործով կալանավորվել է 18 անձ, այդ թվում՝ Բագրատ արքեպիսկոպոս Գալստանյանը, ՀՅԴ ԳՄ անդամ Իգոր Սարգսյանը, Տավուշի թեմի մամուլի քարտուղար, Սրբազան պայքարի մասնակից Լիդիա Մանթաշյանը, Արցախի ԱԺ պատգամավոր Դավիթ Գալստյանը, գնդապետ Միհրան Մախսուդյանը, սրբազանի օգնական Մովսես Շարբաթյանը, զոհված զինծառայողի հայր Արա Ռոստոմյանը, Աղվան Արշակյանը, բլոգեր Արմեն Ալեքսանյանը, Կարո Օկոմուշյանը, Տիգրան Թոփալյանը, գործարար Տիգրան Գալստյանը, Հրայր սարկավագ Հակոբյանը, ակտիվիստ Արսեն Ղազարյանը։ Ավելի ուշ նույն գործով կալանավորվեց նաև Արթուր Սարգսյանը։ Հետագայում  Հրայր սարկավագի ու Աղվան Արշակյանի խափանման միջոցները փոխվել են։