Գիշերը ՌԴ-ն ենթարկվել է ուկրաինական անօդաչուների զանգվածային գրոհի․ իրավիճակը՝ երկրում

Հոկտեմբերի 6-ի գիշերը ՀՕՊ ուժերը Ռուսաստանի տարածքի վրայով ոչնչացրել են 251 ուկրաինական անօդաչու թռչող սարք, հայտնել է Ռուսաստանի պաշտպանության նախարարությունը։

Նախարարության տվյալներով՝ ՀՕՊ ծառայության անձնակազմը Ղրիմի Հանրապետության վրայով հայտնաբերել և խափանել է 40 անօդաչու թռչող սարք, Կուրսկի մարզում՝ 34, Բելգորոդի մարզում՝ 30 և Նիժնի Նովգորոդի մարզում՝ 20։

Բացի այդ, Վորոնեժի մարզում ոչնչացվել է 17 անօդաչու թռչող սարք, Կրասնոդարի երկրամասում՝ 11, Բրյանսկի և Տուլայի մարզերում՝ ութական։ Ռյազանի մարզում ոչնչացվել է չորս անօդաչու թռչող սարք, իսկ Վլադիմիրի, Իվանովոյի, Կալուգայի, Տամբովի և Օրյոլի մարզերում՝ երկուական։ Մեկական անօդաչու թռչող սարք է խփվել Լիպեցկի և Մոսկվայի մարզերի վրայով։

ՀՕՊ միջոցները նաև ոչնչացրել են 62 անօդաչու թռչող սարք անմիջապես Սև ծովի վրայով և ևս հինգը՝ Ազովի ծովի վրայով։

Հոկտեմբերի 5-ի երեկոյան Ռուսաստանի ՀՕՊ միջոցները երեք ժամվա ընթացքում ոչնչացրել են 24 ուկրաինական անշարժ թևով անօդաչու թռչող սարք երեք շրջանների վրա։ Վորոնեժի մարզում չեզոքացվել է մեկ անօդաչու թռչող սարք, Ղրիմում՝ 11, իսկ Բելգորոդի մարզում՝ 12: