Նոր քաղաքական ուժ. որքանո՞վ այն կօգնի ընդդիմության միավորմանը
Մարդու իրավունքների նախկին պաշտպան Արման Թաթոյանը այսօր մեծ հավաք է հրավիրել և «Միասնության թևեր» անունով նախաձեռնություն է սկսում։ Առաջիկայում դա դառնալու է կուսակցություն, որպեսզի մասնակցի խորհրդարանական ընտրություններին։ Նախաձեռնության մեջ հիմնականում ընդգրկված են Թաթոյանի պաշտոնավարման ժամանակ ՄԻՊ գրասենյակում աշխատած մարդիկ, ինչպես նաև Պետեկամուտների կոմիտեի նախկին նախագահ Դավիթ Անանյանը։
Որ այս գործիչները համատեղ ինչ-որ ուժ են նախաձեռնում, հայտնի էր բավական վաղուց։ Օրեր առաջ Թաթոյանը տեսաուղերձ հրապարակեց՝ նշելով, որ միայն իրավապաշտպան գործունեությունը բավարար չէ Հայաստանի խնդիրները լուծելու համար, ուստի մտնում է ակտիվ քաղաքականություն։ Թաթոյանը, ի տարբերություն Փաշինյանի, վարկաբեկված չէ, ունի բավական բարձր հեղինակություն և հանրային վստահություն։ Հաշվի են առնում նաև օմբուդսմենի պաշտոնում նրա արդյունավետ աշխատանքը և իշխանություններին դիմադրելու համարձակությունը։ Զարմանալի չէ, որ իշխանական քարոզչամեքենան հենց առաջին վայրկյաններից սկսեց թիրախավորել Արման Թաթոյանին՝ փորձելով նրան կապել նախկինների հետ։ Հիշեցնենք, որ Թաթոյանը մի քանի տարի արդարադատության փոխնախարար է եղել Սերժ Սարգսյանի պաշտոնավարման օրոք։
Բնական է, որ իշխանությունը փորձելու է «նախկիններ-ներկաներ» դիսկուրսը չարաշահել և առաջ մղել սեփական օրակարգը։ Մի կողմից, իհարկե, լավ է, որ նոր ընդդիմադիր քաղաքական ուժեր են մուտք գործում ասպարեզ։ Մյուս կողմից էլ դա իր հետ նաև վտանգներ է պարունակում։ Ըստ էության՝ այդ ուժերը, որոնք շատ մեծ ռեսուրսների չեն տիրապետում, խորհրդարանական ընտրությունների ժամանակ կարող են լուրջ ձայներ տանել ընդդիմությունից՝ արդյունքում փոշիացնելով ընդդիմադիր ընտրազանգվածի ձայները, ինչը, ըստ էության, ձեռնտու է հենց Նիկոլ Փաշինյանին։
Այս իմաստով նոր կուսակցությունների ձևավորումը պետք է ուղեկցվի նաև ընդդիմության ընդհանուր համախմբման օրակարգով, որովհետև միայն դա է, որ հնարավորություն կտա Հայաստանին և հայ ժողովրդին ազատվել Նիկոլ Փաշինյանի ներկայությունից։
Շուշան Գալստյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է