«Մեր ձևով» շարժումը դառնում է համազգային հարթակ. Գոռ Գևորգյանը՝ շարժման առաջին հաշվետու ժողովի մասին
Հոկտեմբերի 11-ին «Մեր ձևով» ժողովրդական շարժումը կազմակերպել էր իր առաջին հաշվետու ժողովը, որտեղ ներկայացվեցին շարժման մեկնարկից հետո իրականացված աշխատանքները և առաջիկա ծրագրերը։ Միջոցառմանը ներկա էին շարժման անդամները, համախոհներն ու բազմաթիվ հասարակական, փորձագիտական և քաղաքական շրջանակների ներկայացուցիչներ։ Ժողովը, ըստ մասնակիցների, ցույց տվեց, որ «Մեր ձևով»-ը կարճ ժամանակում վերածվել է համախմբված, գաղափարական և գործնական ուժի՝ հստակ օրակարգով և կազմակերպչական կայունությամբ։
Պատմական գիտությունների թեկնածու, դոցենտ, միջազգային հարաբերությունների մասնագետ, արևելագետ, 7-րդ գումարման ՀՀ ԱԺ պատգամավոր Գոռ Գևորգյանը «Փաստ»-ի հետ զրույցում ընդգծել է․
«Վերջին շաբաթների ընթացքում «Մեր ձևով» ժողովրդական շարժումը միտում է դրսևորում դառնալու ավելի համապարփակ քաղաքական ուժ՝ ընդլայնելով իր համախոհների և համակիրների շրջանակը։ Միևնույն ժամանակ՝ չնվազեցնելով 2026 թ. խորհրդարանական ընտրություններին քաղաքական հայտ ներկայացրած նոր ուժերի տեղն ու դերը առաջիկա ընտրապայքարում, հարկավոր է արձանագրել, որ «Մեր ձևով» ժողովրդական շարժումը որոշակի իրավիճակում կարող է նաև քաղաքական ընդդիմադիր մի հատվածի կոնսոլիդացնող գործոն դառնալ»։
Գոռ Գևորգյանի գնահատմամբ՝ շարժման ձևավորած օրակարգը գերազանցում է զուտ կուսակցական տրամաբանությունը․ այն ունի ազգային զարգացման հստակ տեսլական և հասարակական վստահության աճող դինամիկա։
«Այս առումով հիշարժան է Մասաչուսեթսի տեխնոլոգիական համալսարանի պրոֆեսոր, Նոբելյան մրցանակի դափնեկիր Դարոն Աճեմօղլուի՝ «Մեր ձևով» ժողովրդական շարժման առաջին հաշվետու ժողովին ուղղված տեսաուղերձը։ Նրա շեշտադրումները տնտեսական արդարության, ինստիտուցիոնալ զարգացման և քաղաքացիների դերակատարության մասին կարող են մաս կազմել շարժման ապագա քաղաքական ռազմավարությանը։ Աճեմօղլուի խոսքը ևս մեկ անգամ ցույց տվեց, որ շարժումը նկատելի է դարձել ոչ միայն Հայաստանի, այլև միջազգային փորձագիտական դաշտում»,– նշել է Գևորգյանը։
Գոռ Գևորգյանի խոսքով՝ «Մեր ձևով» շարժման գաղափարախոսությունը համադրում է տնտեսական պետականաշինությունը, ազգային ինքնագիտակցությունը և հանրային համերաշխության գաղափարը՝ ձգտելով ձևավորել նոր քաղաքական մշակույթ։ Նրա համոզմամբ՝ առաջիկա ամիսներին շարժման գործունեությունը կդառնա հայաստանյան քաղաքական դաշտի առանցքային ազդակներից մեկը՝ միավորելով տարբեր ոլորտների մասնագետների և ակտիվ քաղաքացիների՝ դեպի նպատակային, ազգային պատասխանատվությամբ առաջնորդվող պետություն։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է