Իշխանությունները, վախենալով առաջիկա ընտրությունների արդյունքներից, փորձում են փչացնել Կարապետյանի վարկանիշը. փաստաբան
Սամվել Կարապետյանի դեմ կառավարության տապալման կոչ անելու մեղադրանքը որևէ հավաստիություն չի ներշնչում, իսկ փողերի լվացման մեղադրանքի հարցում իշխանությունները փորձում են փչացնել Կարապետյանի վարկանիշը, քանի որ վախենում են առաջիկա ընտրությունների արդյունքներից։ Այս մասին հոկտեմբերի 14-ին լրագրողների հետ հանդիպման ժամանակ հայտարարել է հայտնի իրավաբան Ռոբերտ Ամստերդամը։
«ՀՀ կառավարությունն իրեն ավելի վատ է պահում, քան ամենահետամնաց աֆրիկյան երկրները։ Անհասկանալի է, թե ինչի է այն փորձում հասնել, բայց այն պետք է դադարեցնի նման պահվածքը՝ հանուն ԵՄ անդամակցության և Ադրբեջանից հայ պատանդների ազատման նպատակի։ Մարդկանց հետապնդում են Հայաստանում՝ քրիստոնեական դավանանքի համար, մի երկրում, որը պետական մակարդակով Քրիստոսի առաջին տունն է։
Փաշինյանը խղճահարություն է առաջացնում, կարծում եմ՝ նա ենթարկվում է վախին։ Նա հարձակումներ է գործում Եկեղեցու վրա, որը հայկական ինքնության ողնաշարն է և դա նրա նկատմամբ խղճահարություն է առաջացնում», - նշել է փաստաբանը։
Նրա գնահատմամբ՝ կառավարությունները սովորաբար դադարեցնում են նման գործերը, երբ դրանք իրենց համար անշահավետ են դառնում կամ երբ դրանց դեմ են հանդես գալիս այդ կառավարության անդամները։
«Գործն ունի ակնհայտ քաղաքական բնույթ։ Հենց որ Կարապետյանը դուր չեկավ վարչապետին, մեր պաշտպանյալը դարձավ հեղափոխական և փողերի լվացման հանցագործության մասնակից։ Մենք պետք է դրան հակազդենք իրավական դաշտում։ Փաշինյանը շատ է վախեցած, ինչի մասին են վկայում ներկայացված մեղադրանքները։
Մենք պատրաստվում ենք նաև ամենօրյա քաղաքական հարձակումներ իրականացնել Փաշինյանի նկատմամբ։ Մենք կանգ չենք առնի, քանի դեռ նա քաղբանտարկյալներին գերության մեջ է պահում, մենք կխոսենք այդ մասին։ Հայաստանում Կարապետյանի դեմ հարուցված գործից ավելի հրատապ բան չկա, բացի Ադրբեջանից հայ պատանդների ազատման հարցը», - ընդգծել է Ամստերդամը։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հանրային ակտիվության հետևանքը. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց