Բոլոր 20 պшտшնդները վերադարձել են և իրենց լավ են զգում, բայց աշխատանքը դեռ չի ավարտվել․ Թրամփը՝ Իսրայելի և ՀԱՄԱՍ-ի միջև պատերազմի ավարտի մասին
ԱՄՆ նախագահ Դոնալդ Թրամփը հայտարարել է Իսրայելի և ՀԱՄԱՍ-ի միջև պատերազմի ավարտի երկրորդ փուլի մասին։
«Բոլոր 20 պատանդները վերադարձել են և իրենց լավ են զգում, ինչպես և կարելի էր սպասել։ Ծանր բեռը թեթևացվել է, բայց աշխատանքը դեռ չի ավարտվել։ Մահացածները չեն վերադարձվել, ինչպես խոստացվել էր։ Երկրորդ փուլը սկսվում է հիմա»,- Truth Social սոցիալական ցանցում գրել է ԱՄՆ նախագահը։
Հիշեցնենք, որ Իսրայելը որոշել է վաղը չբացել Գազայի հատվածի և Եգիպտոսի միջև գտնվող Ռաֆահ սահմանային անցակետը, ինչպես պահանջվում է հրադադարի համաձայնագրով, այդպիսով պատժամիջոցներ կիրառելով պաղեստինյան ՀԱՄԱՍ խմբավորման նկատմամբ՝ Գազայի հատվածում դեռևս պահվող բոլոր մահացած պատանդների մարմինները վերադարձնելու իր պարտավորությունը չկատարելու համար։
Իսրայելը խմբավորման դեմ պատժամիջոցների շրջանակում միաժամանակ կրճատելու է Գազային տրամադրվող օգնությունը։ Այդ միջոցառումները ձեռնարկվել են, երբ Իսրայելի պաշտպանության նախարարության պաշտոնյաները հայտարարել են, որ ՀԱՄԱՍ-ն էական ջանքեր չի գործադրել մնացած պատանդների մարմինները վերադարձնելու համար։
Նախօրեին խմբավորումն ազատ է արձակել 20 ողջ պատանդների և հանձնել չորս մահացած պատանդների մարմինները, ընդ որում 24 պատանդների դիերը դեռևս Գազայում են։
Փամբակ գետում հայտնաբերվեց ջրահեղձ եղած 7-ամյա աղջնակի մարմինը
Դիմում եմ պահեստազորի գեներալներին, սպաներին, ենթասպաներին և պահեստազորում հաշվառված շարքային կազմին...
Նոր մանրամասներ ողբերգական դեպքից
«Ժողովուրդ». Արդարադատության նախարարությունը մերժել է Արթուր Ղազինյանի կուսակցության գրանցումը
«Հրապարակ»․ Սիփան Փաշինյանը՝ Տավուշի մարզպե՞տ
Դոլարն էժանացել է․ փոխարժեքն՝ այսօր
ՀՀ-ից որոշ ապրանքների մատակարարման սահմանափակումները պայմանավորված են ոչ թե քաղաքականությամբ, այլ հա...
«Հրապարակ»․ Միքայել Մելքումյանը խզել է կապերը ԲՀԿ-ի հետ
Զոհված կին զինծառայողների մարմինները պղծելուց հետո ադրբեջանցի պաշտոնյաները հերթով ՀՀ են գալիս
Նարեկ Կարապետյանի շուրջ վարույթը՝ փաստերի՞, թե՞ քաղաքական նպատակահարմարության հարց․ Լիլիա Շուշանյան