ԱՄՆ-ում ՀՀ դեսպանը ներկայացրել է Վաշինգտոնում Հայաստանի և ԱՄՆ-ի միջև ստորագրված հուշագրերն ու դրանցից բխող նոր հնարավորությունները
Հոկտեմբերի 14-ին ԱՄՆ-ում ՀՀ դեսպանությունը հյուրընկալել է «Արհեստական բանականությունը և գյուղատնտեսությունը. տվյալների ինքնիշխանություն, սննդային անվտանգություն ու կլիմայական կայունություն» թեմայով կլոր սեղան քննարկումը։ Այս մասին հայտնել է դեսպանությունը:
Դեսպան Նարեկ Մկրտչյանն իր բացման խոսքում ընդգծել է նման ձևաչափով քննարկումների կարևորությունը՝ որպես արդյունավետ հարթակ փորձի փոխանակման և գործնական համագործակցության խթանման համար։ Դեսպանը նաև անդրադարձել է օգոստոսի 8-ին Հայաստանի և ԱՄՆ-ի միջև ստորագրված հուշագրերին և դրանցից բխող նոր հնարավորություններին՝ մասնավորապես արհեստական բանականության և տեխնոլոգիական համագործակցության զարգացման ուղղությամբ։
Քննարկմանը ներկա է գտնվել նաև Ազգային ժողովի փոխնախագահ Հակոբ Արշակյանը։ Փոխնախագահը ողջունել է ներկաներին և ներկայացրել ՀՀ կողմից տեխնոլոգիական ոլորտում արձանագրված վերջին առաջընթացները։
«Նա շեշտեց, որ Հայաստանում արդեն իսկ հաջողությամբ կիրառվում են արհեստական բանականության լուծումներ՝ կրթության, գիտության, առողջապահության, ինչպես նաև գյուղատնտեսության ոլորտներում, ինչը բացում է նոր հորիզոններ միջազգային գիտատեխնոլոգիական համագործակցության համար։
Կլոր սեղանի հիմնական բանախոսներն էին՝
• Դոկտոր Քոնրադ Ռայնը, Սննդային անվտանգության գլոբալ առաջատար նախաձեռնության գլխավոր քարտուղար,
• Դոկտոր Նասեր Ալքահթանին, Սաուդյան Արաբիայի AGFUND-ի գործադիր տնօրեն,
• Դոկտոր Դաման Վալիան, ԱՄՆ փոխնախագահ Ջեյ Դի Վենսի գրասենյակի խորհրդական։
Ներկա էին նաև Հարվարդի համալսարանի և Մասաչուսեթսի տեխնոլոգիական համալսարանի (MIT) ոլորտային մասնագետներ, դիվանագիտական կորպուսի ներկայացուցիչներ, տեղական և միջազգային մասնավոր կազմակերպությունների ղեկավարներ։
Միջոցառման ավարտին մասնակիցները հաստատեցին իրենց պատրաստակամությունը՝ շարունակելու համագործակցությունը և մշակելու համատեղ նախաձեռնություններ՝ ուղղված կայուն զարգացման, նորարարական լուծումների խթանմանը և դրանց գործնական կիրառմանը՝ այդ թվում Հայաստանում»,- ասվում է հաղորդագրության մեջ։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է