Վաղարշապատը կարող է «Գյումրի-2» դառնալ Փաշինյանի գլխին

Վաղարշապատի ավագանու ընտրություններին կմասնակցեն 8 քաղաքական ուժեր, ընտրատարածքային ընտրական հանձնաժողովը երեկ բավարարել է «Ազգային առաջընթաց» կուսակցության ինքնաբացարկի դիմումը, և այժմ մասնակցելու հայտ են ներկայացրել «Հայրենիք», «Քաղաքացիական պայմանագիր», «Ազատ դեմոկրատներ», «Մայր Հայաստան» ազգային-դեմոկրատական, «Ժառանգություն», «Հանրապետություն»,«Համահայկական ճակատ» կուսակցությունները, նաև «Հաղթանակ» կուսակցությունների դաշինքը։

Ութ ուժերից արմատական ընդդիմադիր դիրքերից հանդես են գալիս Հայրենիք կուսակցությունը, որի ցուցակը գլխավորում է գրող Խաչիկ Մանուկյանը։ «Մայր Հայաստան» կուսակցությունը, որի ցուցակը գլխավորում է երկար տարիներ Դողս համայնքը ղեկավարած Գրիշա Հարությունյանը և «Հաղթանակ» կուսակցությունների դաշինքը, որը գլխավորում է Սևակ Խաչատրյանը։

Իշխանությունն ընտրություններին մասնակցում է առնվազն երկու թևով։

«Քաղպայմանագրի» ընտրական ցուցակը գլխավորում է Վաղարշապատի համայնքապետի ժամանակավոր պաշտոնակատար նշանակված Արգիշտի Մեխակյանը, իսկ «Հանրապետություն» կուսակցության ընտրացուցակը՝ քաղաքագետ Հարություն Մկրտչյանը։ Եվս մեկ կուսակցության՝ «Ազատ դեմոկրատների» ընտրական ցուցակը գլխավորում է գործարար Վահրամ Ազատյանը։ Թեկնածուներից 2-ը գնդապետներ են՝ «Ժառանգության» ցուցակը գլխավորող Արկադի Փայտյանն ու «Համահայկական ճակատ» կուսակցության ցուցակը գլխավորող Արտյոմ Սիմոնյանը։

Այսօր արդեն Կենտրոնական ընտրական հանձնաժողովը կուսակցություններին համապատասխան թվերը բաշխելո՛ւ, իսկ հոկտեմբերի 22-ից մեկնարկելու է նախընտրական քարոզարշավը, որը կտևի մինչև նոյեմբերի 14-ը ներառյալ։ Ըստ ամենայնի, արմատական երեք ուժերին, հաշվի առնելով թե՛ նրանց նկատմամբ բարձր վստահությունը և թե՛ բավականին լուրջ աշխատանքը, որ սպասվում է նրանց, կհաջողվի Վաղարշապատում կրկնել Գյումրիի օրինակը, որտեղ մի քանի ընդդիմադիր ուժեր կարողացան իշխանափոխություն իրականացնել և ջախջախել Փաշինյանի թիմին։ Ըստ ամենայնի, հենց սա էլ սպասում է նաև Վաղարշապատում, որքան էլ իշխանությունը փորձի տարբեր կեղտոտ մեթոդներով կասեցնել ընդդիմության առաջընթացը։

Մարգարիտա Զաքարյան