Փաշինյանի հրահանգով Գյումրիում հետևել են ռուսական ռազմակայանին
Մինչ իրավապահ մարմինները Գյումրիում վեց ժամ շարունակ հատուկ գործողություններ էին իրականացնում՝ քաղաքապետարանի շենքից բերման ենթարկելու Գյումրիի քաղաքապետ Վարդան Ղուկասյանին և քրեական գործով անցնող մյուս մեղադրյալներին, Նիկոլ Փաշինյանը մի առանձին հրաման էլ տվել էր Ազգային անվտանգության ծառայությանը, որպեսզի տասը աչքով հետևեն ռուսական 102-րդ ռազմաբազայում կատարվող գործողություններին, տեսնեն՝ արդյոք ինչ-որ շարժեր, ռեակցիաներ կան այն գործողությունների դեմ, որոնք իրականացվում են Վարդան Ղուկասյանի նկատմամբ։
Նիկոլ Փաշինյանը չափազանց անհանգիստ է ռուսական կողմի վարքագծով։ Կարծում է, որ կարող են ռուսական ռազմաբազայից ինչ-որ գործողություններ լինել, ուստի իր մտահոգությունները փարատելու համար հատուկ մարդիկ են տեղակայել ռազմակայանի շրջակայքում, որոնք հետևել են, այդ թվում նաև անօդաչու սարքերով։ Թեպետ ռուսական կողմը անընդհատ Փաշինյանին հանգստացնում է, որ որևէ խնդիր չկա և վերջինիս հետ դեռևս կարող են պայմանավորվել, բայց Հայաստանի իշխանությունները հրաշալի հասկանում են, որ այդ կերպ ռուսները պարզապես փափուկ բարձ են դնում իրենց գլխի տակ և առանձնապես նրանցից դրական արձագանքներ չեն սպասում։
Ուստի բնավ զարմանալի չէ, որ Փաշինյանը հենց նման բանի էր սպասում, և այդ պատճառով երեկ մանրամասն հետևել է ռուսական ռազմաբազայում կատարվող իրադարձություններին։ Ռուսական կողմն էլ, թերևս տեղյակ լինելով կատարվող իրադարձություններին, ինչպես նաև ակնհայտորեն տեսնելով օդից կառավարվող դրոնները, որևէ գործողություն չի ձեռնարկել, ավելի շուտ հետևել է, տեսնի՝ թե ինչ է կատարվում։
Նարե Հովհաննիսյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Վարդան Ղուկասյանին մեղսագրվող կաշառքի գործը կգնա դատարան. նրան 10 տարվա ազատազրկում է սպառնում
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
ՌԴ-ն հրթիռներով և անօդաչու թռչող սարքերով զանգվածային հարվածներ են հասցրել Ուկրաինային․ տուժածներ կա
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
ԱԺ-ում կքննարկվի Հեռուստատեսության և ռադիոյի հանձնաժողովի անդամ Հակոբ Հակոբյանի լիազորությունները դա...
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Պարզապես որոշել են քրեական վարույթ չնախաձեռնել ու... վերջ. «Փաստ»
Դվինի Արտակին Կոնդի եկեղեցին խանգարում է. «Հրապարակ»