Թրամփն արժանացել է «Խաղաղության ճարտարապետ» մրցանակի
Ռիչարդ Նիքսոնի հիմնադրամը ԱՄՆ նախագահ Դոնալդ Թրամփին «Խաղաղության ճարտարապետ» մրցանակի է արժանացրել 2025-2026 թվականների համար։ «Արմենպրես»-ի փոխանցմամբ՝ մրցանակի շնորհման տեսանյութը տարածել է Սպիտակ տունը։
Նիքսոնի ընտանիքի անդամները և Նիքսոնի հիմնադրամի կառավարման նախագահ, դեսպան Ռոբերտ Քոբրիենը հոկտեմբերի 21-ին մրցանակը նախագահ Թրամփին են հանձնել Սպիտակ տան Օվալաձև աշխատասենյակում կայացած հանդիսավոր արարողության ժամանակ։
«Նախագահ Թրամփի՝ «Ամենից առաջ Ամերիկան» արտաքին քաղաքականությունը հիմնված է ակտիվ անձնական դիվանագիտության վրա՝ ուժի միջոցով խաղաղության փիլիսոփայություն զուգակցությամբ։
Արդյունքները պարզապես անհավանական են հրադադարների և հաշտության համաձայնագրերի քանակի տեսակետից, որոնց նա հասել է ամբողջ աշխարհում», – ասվում է հիմնադրամի հայտարարության մեջ, որը հրապարակվել է X սոցիալական ցանցում։
Հիմնադրամը նշել է Թրամփի հետևյալ արտաքին քաղաքական ձեռքբերումները՝ միջնորդությունը հարևանների հետ Իսրայելի հարաբերությունների կարգավորման նպատակով Աբրահամյան համաձայնագրերի կնքման հարցում, Պարսից ծոցի ճգնաժամի կարգավորումը, Սերբիայի և Կոսովոյի միջև տնտեսական կարգավորումը, Թաիլանդի և Կամբոջայի, Ռուանդայի և Կոնգոյի Դեմոկրատական Հանրապետության, Հնդկաստանի և Պակիստանի ու Հայաստանի և Ադրբեջանի միջև կարգավորումը, ինչպես նաև Ռուսաստանի և Ուկրաինայի միջև խաղաղություն հաստատելու ջանքերը։
Հիմնադրամն առանձնացնում է Գազայի հատվածում հաշտության համաձայնագրի կնքումը, որով վերադարձվել են բոլոր ողջ մնացած իսրայելցի պատանդները և Մերձավոր Արևելքում կայուն կարգավորման համար հիմքեր են ստեղծվել։
«Խաղաղության ճարտարապետ» մրցանակը շնորհվում է 1995 թվականից՝ նախագահ Նիքսոնի մահվանից հետո։
Թրամփը բազմիցս հայտարարել էր այն մասին, որ արժանի է Խաղաղության Նոբելյան մրցանակի, սակայն այն շնորհվել է վենեսուելացի ընդդիմադիր քաղաքական գործիչ Մարիա Կորինա Մաչադոյին։
Դրա հետ մեկտեղ ԱՄՆ նախագահն օրեր առաջ Սպիտակ տանը լրագրողներին ասել է, որ դափնեկիրն անձամբ զանգահարել է իրեն և հայտարարել, որ պարգևն ընդունում է իր պատվին, քանի որ հենց Թրամփն էր արժանի այդ մրցանակին։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը