Փաշինյանը Վաղարշապատում վա-բանկ է գնալու
Նիկոլ Փաշինյանը հանձնարարել է իր թիմակիցներին ամեն գնով ապահովել հաղթանակը Վաղարշապատում։ Վաղարշապատն առանցքային նշանակություն ունի Փաշինյանի հետագա քաղաքական կարիերայի համար։ Նախ՝ այն հոգևոր մայրաքաղաք է, և Վաղարշապատում քաղաքապետի ընտրություններում հաղթանակ տարելով, Փաշինյանը լրացուցիչ կռվաններ կունենա Հայ առաքելական եկեղեցու դեմ իր արշավը շարունակելու։ Նաեւ թույլ չտալով Գյումրիի կրկնությունը Վաղարշապատում՝ Փաշինյանը հնարավորություն կունենա գնալու արտահերթ ընտրությունների արդեն հենց Վաղարշապատի ընտրություններից հետո։
Իսկ այն, որ գործող իշխանությունները լրջորեն մտմտում են արտահերթ ընտրությունների մասին, նույնիսկ «Քաղաքացիական պայմանագրում» չեն կասկածում։ Այդ կուսակցության ներսում այժմ առավելապես զբաղված են Փաշինյանի աչքին բարձրանալու, ընտրական ցուցակում բարձր հորիզոնականներում հայտնվելու համար, քանի որ շատերը վստահ են, թե այս անգամ բարդ կլինի սահմանադրական մեծամասնություն ստանալը, ուստի տասնյակ քպականներ կարող են դուրս մնալ բավական եկամտաբեր և յուղոտ պաշտոններից։
Փաշինյանն էլ թիմակիցներին հանձնարարել է գնալ Վաղարշապատ, տեղում աշխատել, աջակցել իրենց թեկնածուին, որպեսզի հնարավոր լինի հաղթանակ կորզել Վաղարշապատում։ Առաջիկայում Վաղարշապատ են ուղևորվելու նաև մեծ խումբ ոստիկաններ, որոնք տեղում ահաբեկելու են ընդդիմադիր գործիչներին՝ փորձելով բեկել իրավիճակը, ինչը, նշենք, չափազանց բարդ է։ Հատկապես Հովանավանքի ֆիասկոյից հետո Վաղարշապատում տրամադրությունները էականորեն փոխվել են։ Հայ առաքելական եկեղեցին արդեն բավականին լուրջ աջակցություն ունի, և եթե Փաշինյանը նույնիսկ որոշի, որ իրականացնելու է իր երթը դեպի Վաղարշապատ ընդդեմ կաթողիկոսի, դա կարող է բավականին լուրջ հակազդեցության հանդիպել։ Այդուհանդերձ, Փաշինյանն այդ գաղափարից չի հրաժարվել և որոշել է գնալ վա-բանկ՝ ընդհուպ բախումներ հրահրելով։
Շողեր Ոսկանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր