Մի ազատման պատմություն. սեփական երեխաներին վերածել «գործ տվողների»
Պետական համալսարանի դասախոսին ազատել են աշխատանքից: Սահակ Մանուկյանը իր էջում գրել է, որ իրենից անկախ պատճառներով այլևս չի կարող դասավանդել ԵՊՀ-ում:
«Պարզվում է, որ դասախոսության ժամանակ իմ բերած օրինակը վիրավորել է իշխող կուսակցության մի երեսփոխանուհու «արժանապատվությունը», որից հետո ԵՊՀ ռեկտորը որոշել է ինձ ազատել աշխատանքից», - նշել է դասախոսը: Ավելի ուշ պարզվել է, որ խոսքը ԱԺ պատգամավոր, ՔՊ աշխատակազմի ղեկավար Արուսյակ Մանավազյանի մասին է, որը Նիկոլ Փաշինյանի ամենամերձավոր անձանցից մեկն է:
Մանավազյանի առաջին կուրսեցի դուստրը թաքուն նկարահանել է դասախոսին, ուղարկել մորը, ինչից հետո էլ ռեկտորի միջոցով ազատել են դասախոսին: Ազատումը, իհարկե, ապօրինի է, այստեղ որևէ կասկած լինել չի կարող, և Աշխատանքային օրենսգրքով դասախոսը կարող է դատի տալ Պետական համալսարանի ռեկտորին:
Բայց մտահոգիչն այն է, որ գործող իշխանությունները, պարզ ասած, հետապնդում են ցանկացած խոսք, որը հաճո չէ իրենց քիմքին, նաև իրենց անչափահաս կամ նոր-նոր չափահաս կյանք մուտք գործող երեխաներին վերածում են սովորական «գործ տվողների», որոնք չեն խորշում տեսագրել կամ լուսանկարել իրենց դասախոսներին և վերջիններիս համար խնդիրներ հարուցել:
Իհարկե, փաշինյանական իշխանությունը երկրում այնպիսի մթնոլորտ է ստեղծել, որ մեկը մյուսին հետևելու, տեսագրելու, կոմպրոմատներ հավաքելու առումով այլևս բարոյական արգելակներ չկան գործող իշխանության և նրանց աջակիցների համար, բայց համընդհանուր այս դեգրադացիան և ատելության մթնոլորտը ի վերջո պայթելու է և պայթելու է հենց փաշինյանական իշխանության գլխին:
Մարինե Աբովյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր