Ռուսաստանն արձագանքել է միջուկային փորձարկումներ սկսելու Թրամփի հայտարարությանը
Ռուսաստանի կողմից միջուկային շարժիչ ունեցող «Բուրեվեստնիկ» անսահմանափակ հեռահարության թևավոր հրթիռի փորձարկումները չեն ընկնում միջուկային զենքի փորձարկումների գլոբալ սահմանափակումների տակ։
Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ նախագահ Դոնալդ Թրամփի հայտարարություններն ու Պենտագոնին՝ միջուկային զենքի փորձարկումներ սկսելու վերաբերյալ հանձնարարականը։
ԱՄՆ նախագահը Truth Social հարթակում հոկտեմբերի 30-ին մասնավորապես գրել էր․ «Այլ երկրների փորձարկման ծրագրերի պատճառով ես Պատերազմի նախարարությանը հանձնարարել եմ սկսել մեր միջուկային զենքի փորձարկումները հավասար հիմունքներով։ Այդ գործընթացն անմիջապես կսկսվի»։
«Եթե ինչ-որ առումով նա նկատի է ունեցել «Բուրեվեստնիկ»-ի փորձարկումը, ապա դա որևէ կերպ չի կարող համարվել որպես միջուկային փորձարկում։ Բոլոր երկրները զբաղվում են իրենց պաշտպանական համակարգերի զարգացմամբ, սակայն դա չի համարվում միջուկային փորձարկում»,- հայտարարել է Պեսկովը։
Նա նշել է, որ եթե որևէ երկիր խախտի միջուկային փորձարկումներ չանելու համաձայնությունը, ռուսական կողմն էլ համապատասխան քայլերի կգնա։ՌԴ նախագահի մամուլի քարտուղարը հայտնել է, որ Մոսկվան և Վաշինգտոնը ներկայում միջուկային զինաթափման վերաբերյալ փորձագիտական բանակցություններ չեն վարում, բայց թեման օրակարգում է։
Նա կարծիք է հայտնել նաև, որ Ռուսաստանն ու ԱՄՆ-ն նոր սպառազինությունների մրցավազքի մեջ չեն։
Պատասխանելով լրագրողներից մեկի հարցին՝ Պեսկովը նշել է, որ այս պահին ռուս-ամերիկյան երկխոսությունը փակուղում չէ։
Օրեր առաջ Ռուսաստանի նախագահ Վլադիմիր Պուտինը հայտարարել էր, որ Ռուսաստանը հաջողությամբ փորձարկել է միջուկային շարժիչ ունեցող «Բուրեվեստնիկ» անսահմանափակ հեռահարության թևավոր հրթիռը։
«Բուրեվեստնիկ» հրթիռի փորձարկումը տեղի է ունեցել հոկտեմբերի 21-ին։ Հրթիռը օդում է եղել 15 ժամ՝ անցնելով 14,000 կիլոմետր։ «Մենք պետք է որոշենք հնարավոր կիրառությունները և սկսենք պատրաստել ենթակառուցվածքները՝ մեր զինված ուժերում այս զենքի տեղակայման համար», – նշել էր ՌԴ նախագահ Վլադիմիր Պուտինը։
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Ինչ նվերներ է ստացել Սուրեն Պապիկյանը Իրանի զոհված ՊՆ-ից
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա