ՆԳՆ-ում զտումներ են իրականացվելու․ Փաշինյանը պատրաստվում է
Տակավին երեկ ոստիկանության զորքերի հրամանատարի, ոստիկանության պետի տեղակալի պաշտոնից ազատված գեներալ Հայկ Բաբայանին արդեն նոր պաշտոնի է նշանակվել։
Հիշեցնենք՝ ազատման հրամանը երեկ ստորագրել էր նախագահ Խաչատուրյանը՝ Նիկոլ Փաշինյանի առաջարկով, և այսօր ներքին գործերի նախարար Արփինե Սարգսյանը Բաբայանին նշանակել է ոստիկանության գվարդիայի հրամանատար։ Հայկ Բաբայանը ոստիկանության զորքերի հրամանատար, ոստիկանության պետի տեղակալ է նշանակվել 2020 թվականի նոյեմբերի 16-ին, և հենց երեկ նրա ազատումից հետո արդեն իսկ խոսակցություններ են շրջանառվում, որ նա նշանակվելու է գվարդիայի հրամանատար։
Ըստ էության՝ Բաբայանը Փաշինյանի ամենամերձավոր և հավատարիմ մարդկանցից մեկն է և քանիցս ապացուցել է, որ նրա պահանջով կարող է հարձակումներ իրականացնել անգամ զոհված զինծառայողների ծնողների դեմ։ Ժամանակին նույնիսկ խոսակցություններ էին շրջանառվում, թե Բաբայանին նշանակելու էին ներքին գործերի նախարար, բայց այսօր նա նշանակվել է ոստիկանության գվարդիայի հրամանատար, որպեսզի անձամբ համակարգի առաջիկայում հնարավոր բողոքի ակցիաների դեմ ոստիկանական գործողությունները։
Ի դեպ, շրջանառվող տեղեկությունների համաձայն՝ Փաշինյանը խիստ դժգոհ է ներքին գործերի նախարար Արփինե Սարգսյանի աշխատանքից։ Կարծում է, որ վերջինս ոչ միայն չի կարողանում նորմալ իրականացնել նախարարի պարտականությունները, այլ նաև պայքարել հանցավորության դեմ։ Ավելին, օրերս Փաշինյանը նաև դժգոհել էր ճանապարհային խցանումներից՝ դրա ամբողջ մեղքը բարդելով ոստիկանության վրա, ուստի առաջիկայում լուրջ փոփոխություններ են իրականացվելու ՆԳՆ և ոստիկանության համակարգերում։
Խոսակցություններ կան, որ պաշտոնին հրաժեշտ է տալու նաև նախարար Արփինե Սարգսյանը, իսկ այդ պաշտոնին կարող է նշանակվել Քննչական կոմիտեի նախկին նախագահ Արգիշտի Քարամյանը, որը պաշտոնանկությունից հետո ընդդիմության շարքերը չի լրացրել, այլ համբերատար սպասել է, թե երբ պետք է Փաշինյանը գնահատի իր լռությունը։
Էլլա Ոսկանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր