Փաշինյանի «ֆեյք» պատարագները ձախողվում են
Երեկ հերթական ֆեյք պատարագն է տեղի ունեցել՝ կարգալույծ հռչակված Ստեփան Ասատրյանի (նախկինում՝ տեր Արամ քահանա) ձեռամբ, որին գործող իշխանությունները կրկին վարչական ռեսուրսով բազմաթիվ անձանց էին բերման ենթարկել։ Այդ թվում ՔՊ բարձրաստիճան պաշտոնյաներ էին ժամանել մասնակցելու պատարագին։ Փաշինյանն էլ կրկին տեսանյութ էր հրապարակել, հայտարարելով՝ «Մեզնից յուրաքանչյուրը հասկանում է, որ Հայաստանյայց Առաքելական Սուրբ Եկեղեցու հոգևոր և բարոյական նորոգման օրակարգը նախ և առաջ մեզնից յուրաքանչյուրի հոգևոր և բարոյական նորոգման օրակարգն է։ Մեր սրբության սրբոցը Կտրիչ Ներսիսյանից և նրա խմբակից ազատելուց առաջ մենք պետք է հոգևոր և բարոյական իմաստով արժանի լինենք մեր սրբության սրբոցին»։
Այդուհանդերձ, ինչպես և առաջին պատարագը, այս մեկը ևս կատարյալ ձախողում է կրել՝ անգամ վարչական ռեսուրսի տոտալ կիրառման պայմաններում Փաշինյանին չի հաջողվել ապահովել բազմամարդությունը Հովհանավանքի տարածքում։ Իսկ տարածված լուսանկարները վկայում են, որ շատերը չեն ցանկացել թաթախվել Փաշինյանի կեղտոտ գործերի մեջ։ Արդեն հաջորդ շաբաթ Փաշինյանը մասնակցելու է Թալինի Սուրբ Աստվածածին եկեղեցում, տեր Թադե Թախմազյանի ձեռամբ մատուցվելիք պատարագին։ Տեր Թադեն ևս ՔՊ սատարողներից է և երեկ Հովհաննավանք էր եկել Թալինի քաղաքապետ Տավրոս Սափեյանի ուղեկցությամբ։
Գրեթե կասկած չկա, որ Տալինի պատարագը ձախողվելու է։ Ի վերջո, Հայ առաքելական եկեղեցու դեմ Փաշինյանի ձեռնարկած այս հարձակումը վաղուց այլևս ֆիասկո է ապրում, բայց չպետք է թերագնահատել Նիկոլ Փաշինյանի հանցավոր մտադրությունների խորությունը, և հանրությունը, ընդդիմադիր ուժերն ու Հայ առաքելական եկեղեցին պետք է լավ պատրաստվեն նոր հնարավոր գրոհները հետ մղելու համար։
Սաթինե Վարդանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը