ՔՊ-ն կողմ լինելով՝ դեմ քվեարկեց. հայտարարություն
«Միասին» հասարակական-քաղաքական, այլընտրանքային շարժումն արձանագրում է, որ հոկտեմբերի 29-30-ը Հայաստանում կայացած Արևելյան գործընկերության խորհրդարանական վեհաժողովի (Եվրանեսթ) 12-րդ լիագումար նստաշրջանի կայացումը լավագույն հնարավորությունն էր Եվրոպական խորհրդարանի գործընկերների հետ միասին բարձրացնելու հայ հասարակության առջև ծառացած երկու ճակատագրորոշ խնդիրները․ Բաքվի բանտերում ապօրինի դատավարությունների զոհ մեր հայրենակիցների անհապաղ ազատ արձակումն ու Հայաստան վերադարձնելը և դրա հետ ուղղակի կապված՝ անվտանգության միջազգային երաշխիքների ներքո իրենց բռնազավթված հայրենիք արցախցիների անվտանգ հավաքական վերադարձի իրավունքի երաշխավորումը:
Սակայն տեղի ունեցավ անպատկերացնելին․ ՀՀ-ում իշխող ՔՊ վարչակազմի խորհրդարանական մեծամասնությունը դեմ քվեարկեց ընդդիմադիր ՀՀ ԱԺ պատգամավորների և Եվրախորհրդարանի երկու սոցիալիստ պատգամավորների առաջարկին, որով Ադրբեջանին պահանջ էր ներկայացվում միջազգային երաշխիքների ներքո ապահովել էթնիկ զտման, իրականում ցեղասպանության զոհ դարձած արցախցի մեր հայրենակիցների հավաքական անվտանգ վերադարձի իրավունքը բռնազավթված հայրենիԱրցախ:
Մեր ազգային կենսական խնդիրներին դավադիր հարված հասցրած ՔՊ խմբակցության դիրքորոշումը հրապարակած Աժ հանձնաժողովի նախագահ Արման Եղոյանը, ի լուր Արցախում Ադրբեջանի կողմից էթնիկ զտումը ճանաչած և արցախցիների իրավունքները պաշտպանող մի շարք բանաձևերի հեղինակ եվրոպացի պատգամավորների, բառացիորենհայտարարեց․ «Նշած փոփոխությունը հետևյալն է՝ կոչ է արվում Ադրբեջանին անհապաղ ազատ արձակել բոլոր հայ գերիներին և այլ պահվող անձանց: Մենք սրան դեմ չենք, բայց շարունակությունը հետևյալն է՝ ապահովել Լեռնային Ղարաբաղի բռնի տեղահանված հայերի անվտանգ, հավաքական վերադարձը իրենց հայրենիք՝ միջազգային պաշտպանության ներքո: Ուզում եմ ձեզ տեղեկացնել,
որ Հայաստանի կառավարությունը, արտաքին քաղաքականության համար պատասխանատու պաշտոնյաները նման պահանջ չեն ներկայացնում Ադրբեջանին»։ Փաստորեն ՔՊ-ն «մեծահոգաբար դեմ չէ» բոլոր հայ գերիներն և այլ պահվող անձանց վերադարձին, բայց իրենց կառավարությամբ հանդերձ Ադրբեջանին չի կարող պահանջ ներկայացնել հազարամյակներով Արցախում ապրող և այնտեղ նյութական, մշակութային, հոգևոր հսկայականժառանգություն թողած, ցեղասպանություն վերապրած հայերի վերադարձի իրավունքը հարգելու։
«Միասին» հասարակական-քաղաքական, այլընտրանքային շարժումը մեր հայրենակից քաղաքացիներին վերստին հիշեցնում է ՀՀ կառավարության 2021- 2026 թթ․ ծրագրի հիմնային դրույթներից մեկը «Ղարաբաղյան հիմնախնդիր» 1․2 ընդարձակ բաժնից, որը ՔՊ առաջնորդ և վարչապետի պաշտոնը գրաված Նիկոլ Փաշինյանին թույլ տվեց պահպանել իր իշխանությունը․ «Հայաստանի Հանրապետությունը շարունակելու է լինել Արցախի ժողովրդի անվտանգության երաշխավորը և շարունակելու է աշխատել Արցախի ժողովրդի իրավունքների պաշտպանության ուղղությամբ»: Ահա այսպես է Նիկոլ Փաշինյանի կառավարությունն ու խորհրդարանը «հարգում և իրականացնում» իր իսկ ծրագիրը։
Ժողովրդին տված իր խոստումներին հակառակ գործող իշխանությունն իրավունք չունի խոսել ժողովրդի անունից, ժողովրդավարությունից և խաղաղություն բերելուց։ Երկրի հակառակ կողմի եկած ՔՊ-ն հերթական անգամ ապացուցում է իր ոչ լեգիտիմ և օրինախախտ լինելը։
«Միասին» հասարակական-քաղաքական, այլընտրանքային
շարժման համակարգող խորհուրդ
03․11․2025թ․
Երևան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը