Փաշինյանն անցել է կաթողիկոսի ընտանիքի դեմ բռնաճնշումներին
Ամենայն Հայոց Կաթողիկոսի եղբայրն ու եղբորորդին առնվազն մեկ ամիս կլինեն անազատության մեջ։ Դատարանը երեկ ընդունել է հերթական ապօրինի որոշումը՝ Գևորգ և Համազասպ Ներսիսյաններին մեկամսյա կալանք նշանակելով։
Նրանք մեղադրվում են Վաղարշապատի ավագանու ընտրությունների քարոզարշավին «Հանրապետություն» կուսակցության քաղաքապետի թեկնածու Հարություն Մկրտչյանի քարոզչությանը խոչընդոտելու համար։ Թեպետ փաստաբանների տարածած տեսանյութն ու ակնհայտ փաստերը ցույց են տալիս, որ որևէ խոչընդոտում տեղի չի ունեցել, դատարանը ավելի արժանահավատ է համարել «Քաղպայմանագրի» արբանյակ-կուսակցության ներկայացրած բողոքը։
Ոչ ոք չէր կասկածում, որ «Հանրապետություն» կուսակցությունը վաղուց սպասարկում է գործող իշխանությունների ամենակեղտոտ պլանները, բայց կաթողիկոսի ընտանիքի դեմ իշխանական այս հետապնդումների շարքը վկայում է, որ Փաշինյանը կանգ չի առնելու ոչնչի առջև՝ Գարեգին Բ-ին վնասելու և վերջինիս Վեհարանից հեռացնելու համար։
Ընդ որում՝ Փաշինյանի համար ամենաարտառոցը կաթողիկոսի արժանապատիվ կեցվածքն է՝ իշխանական մանր «մուտիլովկաներին» չտրվելը և իրեն իսկապես Վեհափառի պես վեհորեն պահելը։ Դրանից գազազած՝ Փաշինյանը օրեցօր ավելի ոչ ադեկվատ քայլեր է իրականացնում՝ թե՛ կաթողիկոսի, թե՛ Հայ առաքելական եկեղեցու դեմ։
Ի վերջո, հակամարտությունը կարող է հանգուցալուծվել, եթե ընդդիմությունն ու հասարակությունը համախմբվեն։ Հստակ գիտակցելով, որ Հայ Առաքելական Եկեղեցու դեմ Փաշինյանի այս գործողությունները այլևս լրջագույն սպառնալիք են հենց Հայաստանի գոյության համար, օր առաջ պետք է ազատվել Նիկոլ Փաշինյանից։
Տաթևիկ Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը