Մեծ պատիվ է, որ մոտ տաս տարի ղեկավարել եմ Հայաստանի Զինված ուժերի հետախուզության վարչությունը․ Արշակ Կարապետյան
Շնորհավո՜ր տոնդ՝ հետախույզ
Այսօր Հայոց բանակի այն մարտիկների տոնն է, ովքեր տեսնում են այն, ինչ մյուսները չեն տեսնում, լսում են այնտեղ, որտեղ ուրիշները լռություն են կարծում։ Հետախույզի աշխատանքը մշտապես եղել է հայրենիքի անվտանգության անտեսանելի վահանը:
Հետախույզները երբեք չեն գովում իրենց, չեն պատմում իրենց մասին, նաև հենց հետախույզն է, որ առաջինն է իրազեկում և անհրաժեշտության դեպքում կանխում հակառակորդի դավադիր քայլերը խաղաղության և թե պատերազմի ժամանակ։
Հետախույզները երբեք չեն գովում իրենց, չեն պատմում իրենց մասին, նաև հենց հետախույզն է, որ առաջինն է իրազեկում և անհրաժեշտության դեպքում կանխում հակառակորդի դավադիր քայլերը խաղաղության և թե պատերազմի ժամանակ։
Դուք միշտ առանձնանում եք Ձեր բարձր պրոֆեսիոնալիզմով, քաջությամբ, խիզախությամբ, պատվով ու արիությամբ և Հայրենիքի հանդեպ անկեղծ սիրով։ Մենք միշտ չէ, որ գիտենք Ձեր անունները, բայց սրտանց շնորհակալ ենք Ձեզնից, որ կյանքի համար մեծ վտանգով ծառայում եք մեր երկրին և մեր ժողովրդին:
Ինձ համար մեծ պատիվ է, որ մոտ տաս տարի ղեկավարել եմ Հայաստանի Զինված ուժերի հետախուզության վարչությունը։ Հպարտությամբ եմ հիշում իմ բոլոր հետախույզներին, ովքեր 2016 թվականին, քառօրյայից դեռևս ամիսներ առաջ դարանակալման էին Մատաղիսի և Թալիշի ուղղություններով։ Հենց նրանց գրագետ աշխատանքի շնորհիվ մարտական գործողությունների առաջին ժամերին հակառակորդի կարևորագույն ստորաբաժանումները չեզոքացվեցին։
Խոնարհում բոլոր հետախույզներին, որոնք այսօր էլ մարտական հերթապահության ժամանակ շարունակում են իրենց նախորդների ավանդույթները, ապահովում են մարտական խնդիրների հաջող իրականացումը: Ձեր աշխատանքից է կախված մեր տասնյակ հազարավոր զինվորների կյանքը, նրանց ընտանիքների ու մերձավորների ապագան։
Մենք՝ հետախույզներս, միշտ զեկուցում ենք ստույգ տեղեկություններ նույնիսկ այն ժամանակ, եթե գիտենք, որ դա վերադասին կարող է դուր չգալ, սովոր չենք ստել։ Միշտ ծառայել ու ծառայում ենք հայրենիքին, այլ ոչ թե անձերին։
Հարգելի ռազմական հետախույզներ, Դուք մեր երկրի հպարտությունն եք: Միշտ հավատարիմ մնացեք Ձեր զինվորական պարտքին: Թող հաջողությունը ուղեկցի Ձեզ ամեն քայլում, և հուսալի ընկերների աջակցությունը օգնի Ձեզ դժվար ծառայության մեջ: Մաղթում եմ քաջառողջություն և բարեկեցություն Ձեզ ու Ձեր հարազատներին:
Եվ երիցս փառք և հավերժ խոնարհում` մարտական գործողություններում իրենց կյանքով Հայաստանը պաշտպանած բոլոր հետախույզներին` անուն առ անուն:
Գեներալ-մայոր Արշակ Կարապետյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը