Զեկույց՝ «Անարդարադատությունը Հայաստանում․ զանգվածային քաղաքական հետապնդումները. Մաս Ա»
Քաղաքական իրավունքների հայկական կենտրոնը հրապարակել է «Անարդարադատությունը Հայաստանում․ զանգվածային քաղաքական հետապնդումները Մաս Ա (մայիս–սեպտեմբեր)» զեկույցը։
Զեկույցում մանրամասն ներկայացված են 2025թ․ մայիս-սեպտեմբեր շրջանի քաղաքական հետապնդումները, որոնք կարելի է բաժանել չորս մասի. հունիսի 18-ին գործարար Սամվել Կարապետյանի, հունիսի 25-ին՝ «Սրբազան պայքար» նախաձեռնության անդամների, հունիսի 27-ին՝ Միքայել արքեպիսկոպոս Աջապահյանի և հուլիսի 10-ին՝ ՀՅԴ անդամների քրեական հետապնդումները և ազատազրկումները։ Զուգահեռ շարունակվել է Հայաստանյայց Առաքելական Եկեղեցու (ՀԱԵ) դեմ Փաշինյանի կազմակերպած և համակարգած արշավը։
ՔԻՀԿ կողմից վերլուծվել են նրանց ներկայացված մեղադրանքները, այն ապացույցները, որոնք դրվել են մեղադրանքի հիմքում, ինչպես նաև հանրամատչելի այլ տվյալներ։ Բացի հետապնդումների կոնկրետ դրվագներից, զեկույցում ներկայացված է դրանց համատեքստը՝ ներպետական և միջազգային քաղաքականությամբ պայմանավորված գործոնները, ինչպես նաև դատաիրավական համակարգի կախվածության գործոնը և իշխանությունների արշավի ընթացքում մարդու իրավունքների խախտումները (տե՛ս Զեկույցի 5-45-րդ էջերը)։
Զեկույցի հավելվածում մանրամասն ներկայացված է «Սրբազան պայքար» շարժման անդամների մեղադրանքի հիմքում դրված գաղտնալսումների վերլուծությունը, արձանագրված խեղաթյուրումներն ու կեղծիքները (տե՛ս Զեկույցի 49-65-րդ էջերը)։
Իշխանությունների արշավի ընթացքում թիրախավորված քաղաքական ընդդիմադիր գործիչները, կուսակցությունները, ինչպես նաև ՀԱԵ սպասավորները ներկայացվում են որպես «ահաբեկիչներ», իսկ արշավը որպես «հեղափոխության կանխում»։ Եթե ի սկզբանե առերևույթ էր նրանցից ոմանց, ինչպես՝ գործարար Ս․ Կարապետյանի պարագայում, մեղադրանքի ապօրինությունը և հետապնդման քաղաքական բնույթը, ապա այլոց պարագայում դիտավորյալ կոծկվում և կեղծվում էին փաստերը՝ հանրության աչքերում նրանց վարկաբեկելու և զրպարտելու նպատակով։ Թեև հետագայում նշված կեղծիքները բացահայտվել են, այնուամենայնիվ վնասն արդեն հասցվել է, իսկ կեղծիքներին իրավական գնահատական չի տրվել։
Այս զեկույցը կազմելով գիտակցում ենք, որ օրենքի գերակայությունը և արդար դատավարությունն ապահովելուն ուղղված առաջարկներն ամենայն հավանականությամբ անտեսվելու են ՀՀ իշխանությունների կողմից։ Նկարագրված դեպքերից արդեն անցել են ամիսներ, առկա է առաջին մեղադրական վերդիկտը։ Հետապնդումներին համարժեք գնահատական միջազգային կառույցներից դեռևս չկա։ Այնուամենայնիվ կարևոր ենք համարում, որ քաղաքական հետապնդումների այս կարևոր փուլի վերլուծությունն ամրագրվի և հասանելի լինի գոնե այն ծավալով, որով ի վիճակի ենք եղել կազմել։
Զեկույցի այս մասում ներկայացված են բացառապես 2025թ․ մայիս-սեպտեմբեր շրջանի քաղաքական հետապնդումները։ Երկրորդ մասում անդրադառնալու ենք հաջորդ ժամանակահատվածի հետապնդումներին։
Զեկույցն ամբողջությամբ հասանելի է այստեղ։
Զեկույցի անգլերեն տարբերակը լրամշակման փուլում է և հրապարակվելու է շուտով։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Վարդան Ջհանյան․ Հայաստանի հանքարդյունաբերության նկատմամբ միջազգային հետաքրքրությունն աճում է