ԱՄՆ 40 խոշոր օդանավակայաններում կրճատվել են ավիաթռիչքները «շաթդաունի» պատճառով

ԱՄՆ տրանսպորտի նախարար Շոն Դաֆին չորեքշաբթի օրը հայտարարել է, որ կհրամայի 10%-ով կրճատել չվերթները ԱՄՆ 40 խոշոր օդանավակայաններում՝ հղում անելով օդային երթևեկության վերահսկողության անվտանգության հետ կապված մտահոգություններին, քանի որ կառավարության փակումը հասել է ռեկորդային ժամանակահատվածի՝  36-րդ օրվա։ Այս մասին հայտնում է Reuters-ը:

«Շաթդաունը» ստիպել է ավիաընկերություններին ընդամենը 36 ժամում կատարել զգալի կրճատումներ, իսկ ուղևորները հեղեղել են ավիաընկերությունների հաճախորդների սպասարկման գծերը՝ մտահոգություններ հայտնելով առաջիկա օրերի օդային ճանապարհորդությունների վերաբերյալ:

Դաֆին ասել է, որ կրճատումները կարող են չեղարկվել, եթե դեմոկրատները համաձայնվեն վերաբացել կառավարությունը։

ԱՄՆ պատմության մեջ ամենաերկար «շաթդաունը» 13,000 օդային երթևեկության վերահսկիչների և 50,000 Տրանսպորտային անվտանգության վարչության գործակալների ստիպել է աշխատել առանց վարձատրության։