Փաշինյանը ձախողել է դեմոգրաֆիկական քաղաքականությունը
Ինչպես Նիկոլ Փաշինյանի ցանկացած խոստում, Հայաստանի բնակչությունը մինչև 2050 թվականը 5 միլիոն դարձնելու խոստումն էլ ամենայն հավանականությամբ փուչիկ է, և, դատելով առկա տեմպերից, որևէ կերպ նման թվաքանակի Հայաստանի բնակչությունը հասնել չի կարող։ Վիճակագրական կոմիտեն հրապարակել է «Հայաստանի Հանրապետության սոցիալ-տնտեսական վիճակը 2025 թ. հունվար-սեպտեմբերին» զեկույցը, որտեղ նշվում է, որ 2025 թ. հոկտեմբերի 1-ի դրությամբ Հայաստանի մշտական բնակչության թիվը 3 090 500 է եղել։
Կոմիտեի տվյալներով՝ հունվար-սեպտեմբերին Հայաստանում ծնվել է 23 698 մարդ՝ 1244-ով պակաս 2024 թվականի նույն ժամանակահատվածի ցուցանիշից (24 942)։ Դիտարկվող ժամանակահատվածում ՀՀ-ում մահացել է 19 064 մարդ։ Մահացության դեպքերը 2024 թվականի համեմատ այս տարի ավելացել են (2024 թ. մահացել է 18 959 մարդ)։ Ըստ վիճակագրական կոմիտեի՝ 2025 թ. 9 ամսում ՀՀ-ում ամուսնացել է 10 238 մարդ, մինչդեռ 2024 թ. նույն ժամանակահատվածում ամուսնացել է 11 696 մարդ։ Այս տարի մի փոքր ավելացել է ամուսնալուծությունների թիվը՝ 3 617 (2024 թվականին ամուսնալուծվել է 3 422 մարդ)։
Միևնույն ժամանակ Հայաստանում աճել են ընտանեկան բռնությունները։ Նույնիսկ գերմանական «Դոյչե Վելլե» պարբերականն իր հոդվածում ներկայացնում է, որ Հայաստանում 2024 թ.-ին ընտանեկան բռնության աննախադեպ՝ 168 տոկոս աճ է գրանցվել, իսկ ընտանեկան բռնության հետ կապված սպանություններն ավելացել են մի քանի անգամ։
Ըստ էության, Հայաստանի գործող իշխանությունները ձախողել են դեմոգրաֆիական պատկերը շտկելու իրենց խոստումները, իսկ Հայաստանում սոցիալ-տնտեսական իրավիճակը գնալով ավելի է վատթարանում, և արդյունքում ունենք խայտառակ պատկեր, երբ Հայաստանի բնակչությունը ավելանալու փոխարեն նվազում է՝ այն դեպքում, երբ նույնիսկ արտագաղթի տեմպերը չենք նշել։
Ռուզաննա Սարգսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը