ԵՄ առաջնորդները չեն մասնակցել Կոլումբիայում կայացած գագաթնաժողովին
Լատինական Ամերիկայի և Կարիբյան ավազանի պետությունների միության (CELAC) և Եվրամիության չորրորդ գագաթնաժողովը մեկնարկել է Կոլումբիայի Սանտա Մարտա քաղաքում, հաղորդում է Euronews-ը։
Հանդիպումը, որի հիմնական թեմաներն են առևտրային կապերի ամրապնդումը և կազմակերպված հանցավորության դեմ պայքարը, տեղի է ունենում լատինաամերիկյան երկրների վրա ԱՄՆ ճնշման ֆոնին: Կոլումբիայում կայացած հավաքը նշանավորվել է դատարկ տեղերով: Էմանուել Մակրոնը, Գերմանիայի կանցլեր Ֆրիդրիխ Մերցը և Եվրահանձնաժողովի նախագահ Ուրսուլա ֆոն դեր Լեյենը հրավիրված էին, բայց չեն մասնակցել:
Ավելի վաղ Bloomberg-ը հաղորդել էր, որ նրանք չեն ցանկանում նյարդայնացնել Թրամփին, որը վերջերս Կոլումբիայի նախագահին անվանել էր թմրանյութերի ապօրինի առևտրի առաջնորդ:
ԵՄ-ն ներկայացնող եվրոպական դիվանագիտության ղեկավար Կայա Կալասը լրագրողի հարցին, թե ինչու ֆոն դեր Լեյենը գագաթնաժողովին չէր մասնակցում, հրաժարվել է պատասխանել՝ կոչ անելով հավաքվածներին շնորհակալ լինել նրանց, ովքեր եկել են։ Նա նաև հրաժարվել է ուղղակիորեն պատասխանել, թե արդյոք ԵՄ-ն կաջակցի Վենեսուելայի դեմ ԱՄՆ հնարավոր գործողությանը՝ հղում անելով դաշինքի միջազգային իրավունքի նկատմամբ հանձնառությանը։
Աշնան սկզբից ի վեր ԱՄՆ ուժերը Կարիբյան ավազանում թիրախավորում են վենեսուելական և կոլումբիական նավերը: Դոնալդ Թրամփը պնդում է, որ դրանք թմրանյութեր են տեղափոխում: Վաշինգտոնը նաև հայտարարել է տարածաշրջանում ԱՄՆ ռազմական ներկայության ընդլայնման մասին:
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Ֆինանսական նոր հմտություններ Դավիթբեկյան խաղերում․ Idram&IDBank
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
ՍՏՈՊ ավելորդ բաժանորդագրություններին․ Visa Stop Payment-ը Converse Mobile-ում
Իշխանությունները պետք է բացատրեն, թե ինչու են պատրաստվում մեկ տարվա ընթացքում հանձնել Տիգրանաշենը. Ա...