Հալածված հավատք, լուռ Արևմուտք
«Մեր ձևով» շարժման համակարգող Նարեկ Կարապետյանը և միջազգային իրավապաշտպան Ռոբերտ Ամստերդամը Թաքեր Կարլսոնի հետ ունեցած հարցազրույցում աշխարհին ներկայացրեցին այն, ինչ Հայաստանում փորձում են թաքցնել՝ համակարգային ռեպրեսիաները եկեղեցու, ընդդիմության և ազատ մտածողության դեմ։
Նարեկ Կարապետյանը նշել է, որ Հայաստանում տեղի ունեցողը այլևս ոչ թե առանձին քաղաքական գործեր են, այլ ամբողջական մաքրում՝ ուղղված հավատքի, արժանապատվության և ազգային ինքնության դեմ։ «Իշխանությունը նպատակային վերացնում է ցանկացած մրցակցություն՝ սկսած հոգևոր առաջնորդներից մինչև հաջողակ ձեռնարկատերեր ու Արցախի պաշտպաններ»,– ասել է նա՝ շեշտելով, որ Սամվել Կարապետյանի և մի շարք եպիսկոպոսների ու ակտիվիստների ձերբակալությունները արդարադատության հետ ոչ մի կապ չունեն։
Նրա խոսքով՝ սա քաղաքական ցենզուրայի բացահայտ օրինակ է, որը չի տեղավորվում ԱՄՆ-ի կողմից քարոզվող ժողովրդավարական չափանիշների շրջանակներում։ Նարեկ Կարապետյանը ընդգծել է, որ Հայ Առաքելական Եկեղեցին դարեր շարունակ եղել է հայ ժողովրդի գոյության և ինքնության հիմքը, և այսօր դրա դեմ իրականացվող հալածանքները ուղղված են հենց ազգային գոյության հիմքերի քայքայմանը։
Նա պատմել է նաև իր հորեղբոր՝ բարերար Սամվել Կարապետյանի ձերբակալության մանրամասները՝ նշելով, որ քննիչները բացեիբաց քննարկել են, թե «ինչ հոդվածով կարելի է մեղադրանք առաջադրել»։ Այդ փաստը, ըստ նրա, ապացուցում է գործընթացի քաղաքական բնույթը։ «Նրանք կարող են նրան ազատ արձակել նույնիսկ վաղը, եթե նա հրաժարվի պաշտպանել Եկեղեցին, բայց Սամվել Կարապետյանը մնում է հավատարիմ իր հավատքին՝ վտանգելով բիզնեսն ու իր ազատությունը»,– նշել է Նարեկ Կարապետյանը։
Թաքեր Կարլսոնը, իր հերթին, դատապարտել է Հայաստանում հոգևորականների ձերբակալությունները՝ դրանք անվանելով մարդու իրավունքների կոպիտ խախտում և հավելելով. «Պատմության վերագրումը միշտ ուղեկցվում է քաղաքական ռեպրեսիաներով»։ Նրա խոսքով՝ այսօր Հայաստանում տեղի ունեցողը վտանգում է ոչ միայն ժողովրդավարությունը, այլև քրիստոնեական քաղաքակրթության հիմքերը։
Իրավապաշտպան Ռոբերտ Ամստերդամը քննադատել է ամերիկյան քրիստոնեական և քաղաքական շրջանակների լռությունը՝ այն որակելով որպես բարոյական տապալում։ Նա ընդգծել է, որ «ԱՄՆ-ի էլիտաները կույր կերպով վերածում են կրոնը արտաքին քաղաքականության գործիքի», չնկատելով, որ Հայաստանում քրիստոնեական եկեղեցին ենթարկվում է ճնշումների։
Ամստերդամը նաև հիշեցրել է, որ նոյեմբերի 14–15-ին Երևանում նախատեսվում է անցկացնել Աղոթքի նախաճաշը (Prayer Breakfast), որին կմասնակցեն ամերիկյան կրոնական շրջանակների ներկայացուցիչներ, այդ թվում՝ Դոնալդ Թրամփ կրտսերը։ Նրա խոսքով՝ նման հանդիպման անցկացումը Հայաստանում, երբ հոգևորականներն ու բարերարները բանտերում են, հնչում է որպես լռակյաց հավանություն տեղի ունեցող անարդարություններին։
Ամփոփելով՝ Ռոբերտ Ամստերդամը նշել է. «Ամերիկյան խաղաղարար ջանքերը չափազանց թանկ են արժենում հայ ժողովրդին, քանի որ Հայաստանի ներկայիս առաջնորդը կամավոր կերպով հրաժարվում է սեփական պատմությունից, հավատքից և ինքնությունից՝ կեղծ խաղաղության դիմաց»։
Այս հարցազրույցը դարձավ ոչ միայն միջազգային բարձրաձայնում, այլև «Մեր ձևով» շարժման գաղափարի կենդանի ապացույցը՝ ասել ճշմարտությունը, երբ մյուսները լռում են։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը