Փաշինյանը գտել է իր սրտի եպիսկոպոսին
Փաշինյանական քարոզչամեքենան շարունակում է կեղտոտ տեղեկություններ տարածել Հայ առաքելական եկեղեցու և Ամենայն հայոց կաթողիկոսի դեմ՝ փորձելով այդ կերպ պառակտում մտցնել եկեղեցու բարձրաստիճան հոգևորականների միջև։ Երեկ էլ տելեգրամյան ալիքը, որը սեքսուալ բնույթի տեսանյութեր էր տարածել՝ դրանք վերագրելով Մայր Աթոռի դիվանապետ Արշակ արքեպիսկոպոս Խաչատրյանին, գրառում է արել՝ պահանջելով վերջինիս հրաժարականը։ Ըստ էության՝ նման մեթոդներով փորձում են տպավորություն ստեղծել, թե Արշակ արքեպիսկոպոսի վերաբերյալ տեսանյութերը իբր տարածվել են ոչ թե քպականների, այլ հենց եկեղեցու ներսից։
Տեղեկություն տարածվեց, որ Արտակ եպիսկոպոս Տիգրանյանի նախաձեռնությամբ 15 եպիսկոպոս պահանջել են կաթողիկոսի հրաժարականը, նաև պահանջել են կարգալույծ անել Արշակ Սրբազանին՝ հիմնավորելով, որ նրա մասնակցությամբ հրապարակված կադրերը անընդունելի են։ Մայր Աթոռից հերքում են, որ կաթողիկոսի հրաժարականի պահանջ է եղել, միևնույն ժամանակ հաստատում են, թե կաթողիկոսը Մայր Աթոռի դիվանապետին վերագրվող անպարկեշտ բովանդակությամբ տեսանյութերի հետ կապված հարցի ուսումնասիրության և եզրակացություն ներկայացնելու համար ստեղծել է հանձնախումբ՝ հաշվի առնելով ներկայացված առաջարկները։
Եկեղեցում, իհարկե, կան որոշ եպիսկոպոսներ, որոնք ջանքեր են գործադրում Ամենայն հայոց կաթողիկոսից և նրա թիմից ազատվելու համար։ Արտակ եպիսկոպոս Տիգրանյանի վերաբերյալ էլ բազմաթիվ տեղեկություններ են շրջանառվում, որ վերջինս սերտ կապեր ունի գործող իշխանությունների հետ, ավելին՝ հանդիսանում է իշխանության սրտի թեկնածուն կաթողիկոսի պաշտոնի համար։ Ըստ էության՝ Նիկոլ Փաշինյանը կարծես գտել է այն բարձրաստիճան կուսակրոն հոգևորականին, որին կարող է փոխանցել Լուսավորչի գահը՝ Վեհարանը գրոհելուց հետո։ Թե ինչ զարգացումներ տեղի կունենան՝ առայժմ հայտնի չէ, բայց փաստն այն է, որ իշխանությունները ամեն ինչ անելու են եկեղեցին կործանելու ուղղությամբ, և ցանկացած հոգևորական, որն այս իրավիճակում գործում է Փաշինյանի նարատիվներին համապատասխան, հենց Հայ առաքելական եկեղեցու դեմ գործող գործակալ է։
Արա Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը