Նման նամակներ բոլորն են գրել․ «Հրապարակ»
«Հրապարակ» թերթը գրում է. ՀՀ երրորդ նախագահ Սերժ Սարգսյանի քննադատություններին ի պատասխան, Փաշինյանը խոստացավ մինչեւ տարեվերջ հրապարակել բանակցային փաստաթղթերը, որոնք արդեն «սկանավորվում են», ձեռքի հետ էլ փորձեց շանտաժ անել․ «Նաեւ քո գրած մի նամակ եմ մեջը դնելու, որ չմտածես՝ առ եմ համարում»։ «Առ եմ համարում» արտահայտություն հայերենում, ի դեպ, չկա:
Երեկ ԱԺ-ում տված ճեպազրույցի ժամանակ Փաշինյանից հետաքրքրվեցինք՝ ի՞նչ նամակի մասին է խոսքը։ Նա չցանկացավ փակագծեր բացել, միայն ասաց, որ նամակը ոչ թե իրեն էր ուղղված, այլ՝ մեկ այլ երկրի ղեկավարի, եւ հիմա ինքը հանձնարարել է «գաղտնազերծման գործընթաց» սկսել, եւ նամակը բանակցային փաստաթղթերի փաթեթի հետ անպայման կհրապարակվի։
Որոշ տեղեկություններով, խոսքը ՌԴ նախագահին ուղղված նամակի մասին է, որը Սերժ Սարգսյանը գրել է 2016-ին՝ ապրիլյան քառօրյա պատերազմի ժամանակ։ Կցկտուր տեղեկությունների համաձայն, Սերժ Սարգսյանն այդ նամակում ռազմական աջակցություն է ակնկալում ՌԴ-ից՝ նշելով, որ մեր ռազմական բալանսը խախտված է։ Սակայն հակառակ թիմում վստահ են, որ ոչ միայն երրորդ, այլեւ ՀՀ բոլոր նախագահները հանուն բանակի եւ հանուն Հայաստանի, նույնաբովանդակ գրագրության մեջ են եղել տարբեր պետությունների առաջնորդների հետ։
Ի դեպ, Փաշինյանն ասաց նաեւ, թե ինչու մինչ այժմ չի հրապարակել բանակցային փաստաթղթերի փաթեթը, որի առաջարկը նախկին նախագահներն անում են շարունակ: Ասաց, որ պատահական չի ընտրվել տարեվերջը, իր կարծիքով` դա կարող էր անել միայն ԵԱՀԿ Մինսկի խմբի լուծարումից հետո:
Հոդվածն ամբողջությամբ կարող եք կարդալ «Հրապարակ» թերթի՝ այսօրվա համարում
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել