Ադրբեջանից փորձում են նոր հակահայկական ալիք բարձրացնել
Վրաց–ադրբեջանական սահմանին թուրքական ռազմական բեռնատար ինքնաթիռի կործանման հետաքննությունը դեռևս շարունակվում է, բայց Ադրբեջանից արդեն իսկ չհիմնավորված մեղադրանքներ են հասցեագրում Հայաստանի և Ռուսաստանի հասցեին։ Ադրբեջանցի ռազմական փորձագետ Աբուզեր Աբիլովը սոցիալական ցանցերում գրել է. «Կրկին թռչունների երա՞մ»։ Նա ակնարկել է Ղազախստանի Ակտաու քաղաքի մոտակայքում AZAL ինքնաթիռի վթարի հետ կապված նմանատիպ միջադեպը, որի դեպքում ռուսական կողմը սկզբում միջադեպը վերագրել էր թռչունների հետ բախմանը։ «Անձամբ ես կարծում եմ, որ դա կամ հրթիռ է, կամ անօդաչու թռչող սարք. 102-րդ բազան մոտակայքում է»,– գրել է փորձագետը։
102-րդ բազան վերաբերում է ռուսական ռազմաբազային, որը գտնվում է Գյումրի քաղաքում։ Ըստ էության, Ադրբեջանը փորձում է Հայաստանին և միաժամանակ Ռուսաստանին մեղադրել թուրքական ինքնաթիռի կործանման մեջ՝ հստակ հասկանալով, որ որևէ նման բան լինել բացառվում է։ Բայց սա ևս մեկ առիթ է՝ մեղադրանքներ հասցեագրելու և Թուրքիայում հակահայկական ալիք բարձրացնելու համար։ Առանց այն էլ Ադրբեջանը փորձում է ամեն կերպ ձախողել հայ–թուրքական հարաբերությունների կարգավորումը, որպեսզի իրեն հաջողվի միանձնյա վերահսկել Նիկոլ Փաշինյանի գործողությունները։ Թուրքիայից, բնականաբար, դեռևս որևէ հայտարարություն չկա. ընդամենը նշել են, որ մասնակցում են ռազմական բեռնատար ինքնաթիռի կործանման հարցով հետաքննությանը։
Չի բացառվում, որ ադրբեջանցի փորձագետի այս հայտարարությունները լուրջ հետևանքներ ունենան՝ հակահայկական ալիք բարձրացնելու առումով։ Հայկական կողմից առայժմ որևէ արձագանք, անգամ ցավակցություն չի հնչել, թեպետ Փաշինյանն առիթը բաց չի թողնում Թուրքիայի նախագահին ցավակցելու կամ շնորհավորելու ցանկացած համապատասխան հարցում։
Անգելինա Ազատյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը