«Թարս աճած խիյար» Փաշինյանի «աղոթքի նախաճաշին»
Նիկոլ Փաշինյանի և Աննա Հակոբյանի հերթական նախաձեռնությունը, որը միտված էր նրանց վարկանիշը բարձրացնելու, հերթական անգամ ձախողվել է։ Նոյեմբերի 14-ից 15-ը ամերիկյան Christian Prayer Breakfast-ի մոդելով իշխանությունները «աղոթքի նախաճաշ» են կազմակերպել՝ դրան հրավիրելով թե՛ տեղական և թե՛ արտերկրի բազմաթիվ կրոնական կազմակերպությունների ներկայացուցիչների։
Ընդ որում, ուշագրավ է, որ Հայաստանյայց Առաքելական եկեղեցուց որևէ մեկին չէին հրավիրել, եթե չհաշվենք կարգալույծ հռչակված հոգևորականներին։ Այս նախաձեռնությունը, որի կազմակերպիչը «Իմ քայլը» հիմնադրամն է, նպատակ ուներ բարձրացնելու Փաշինյանի վարկանիշը միջազգային կրոնական շրջանակներում, որոնք վերջին շրջանում բավականին լուրջ ազդեցություն են ձեռք բերել, հատկապես Դոնալդ Թրամփը պաշտոնավարման օրոք։
Զուր չէ, որ տակավին օրեր առաջ հայտնի դարձավ, որ Թրամփի որդին հրաժարվել է գալ Հայաստան՝ տեղեկանալով եկեղեցու դեմ իշխանության հետապնդումներից, ուստի և նման միջոցառումներով Փաշինյանը փորձում է փրկել իր դեմքը։ Բայց փաստն այն է, որ հենց այդ միջոցառման ժամանակ «աղոթքի նախաճաշի» մասնակիցները Հայաստանի ղեկավարությանը կոչ են արել ազատ արձակել Հայ առաքելական եկեղեցու կալանավորված հոգևորականներին։
Ամերիկահայ եպիսկոպոս Դանիել Ֆինդիկյանը իր ելույթում հիշեցրել է, որ իր հոգևորական եղբայրներից երեքը բանտում են՝ նշել Բագրատ, Միքայել և Մկրտիչ սրբազանների անունները։ «Նրանք բոլորը բանտարկված են Հայաստանի կառավարության կողմից», - ասել է քահանան։ Ձերբակալված հոգևորականներին աջակցության խոսք է ասել ԱՄՆ կրոնական ազատության հանձնաժողովի փոխնախագահ Ասիֆ Մահմուդը։
Իսկ «Միջազգային քրիստոնեական համերաշխություն» կազմակերպության ներկայացուցիչ Ջոել Վելկամպը տեսաուղերձ էր ձայնագրել Հանրապետության հրապարակից՝ կոչ անելով իրենց հնարավորություն տալ տեսակցել ձերբակալված հայ հոգևորականներին, նշել, թե Հայաստանում կրոնական ազատության հետ կապված իրավիճակը այնքան էլ ուրախալի չէ։
Փաստացի Փաշինյանին չի հաջողվել հրավիրյալներին համոզել իր ճշմարտացիության մեջ, որքան էլ փորձում էր ծավալուն ելույթով շտկել իրավիճակը։ Արդյունքում նրանց ևս մեկ նախաձեռնություն «թարս աճած խիյարի» կարգավիճակ ստացավ։
Անի Մկրտչյան
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է