Փաշինյանը խոստովանեց երեք ամիս անց
Վաշինգտոնում օգոստոսի 8-ին կնքված հռչակագրով որևէ ժամկետ չէր նշվում, բայց նախագահ Դոնալդ Թրամփը Նիկոլ Փաշինյանի ներկայությամբ հայտարարել էր, թե Հայաստանի վարչապետն իրեն խոստացել է, որ միջանցքի զարգացման հայ-ամերիկյան բացառիկ գործընկերությունը կլինի առնվազն 99 տարով։
Ավելի ուշ և Փաշինյանը, և արտգործնախարար Արարատ Միրզոյանը պնդում էին, թե 99 տարվա վերաբերյալ ֆիքսված պայմանավորվածություն չկա։ Երեկ արդեն Երևանում կայացած համաժողովում Փաշինյանը հաստատել է, որ կա ֆիքսված պայմանավորվածություն, 3 ամիս անց նշելով, որ Երևանն ու Վաշինգտոնը քննարկում են «Թրամփի ուղու» կառուցման իրավունքի 2 սցենար՝ 99 և 49 տարի տևողությամբ։
Ըստ Փաշինյանի՝ դիտարկվող ժամկետները ներդրումներ ներգրավելու համար են, բայց թե որ տարբերակը նախընտրելի է հայկական կողմի համար, Փաշինյանն իր ելույթում չի բացահայտել։ «Ներդրողը պետք է ունենա որոշակի երաշխիքներ, որ իր ներդրումները հետ է ստանալու շահույթի որոշակի մարժայով։ Եթե մենք, օրինակ, ասենք, որ 5 տարով ենք տալիս այդ հողը, ոչ մեկը ներդրում չի անի, որովհետև անիրատեսական է 5 տարում այդքան ներդրված գումարը հետ ստանալ»,– արդարացել է Փաշինյանը։
Բնականաբար, կարճ ժամանակ հետո հենց ինքն է խոստովանելու կրկին, որ կանգ են առել հենց 99 տարվա պայմանավորվածության վրա։ Իսկ Միացյալ Նահանգներն ավելի պակաս ժամկետով բոլորովին էլ չի համաձայնվելու, և տարածաշրջանում ներգրավելու իր ծրագրերը շատ ավելի երկարաժամկետ են։ Հատկապես որ ռեալ հնարավորություն է ստեղծվել Ռուսաստանին տարածաշրջանից դուրս մղելու և փոխարենը Արևմուտքի ներգրավվածությունը առաջին անգամ Հարավային Կովկասում ապահովելու համար։
Մարիամ Գալստյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը