Վերաքննիչի որոշումը 53 քննիչներից բաղկացած խումբը չի ներկայացրել դատարանին․ Արամ Վարդևանյան
«2022 թվականին, երբ կատարվեց համապատասխան բարեփոխումը և քրեական դատավարության օրենսգրքում նախատեսվեցին վերջապես այլընտրանքային իրական տեսակի խափանման միջոցներ, որովհետև մինչ այդ վեճը միշտ դատարաններում այն էր՝ կիրառել կալանք, թե՞ գրավ։ Հայաստանում այլևս կա տնային կալանք, վարչական հսկողություն և այլն, և ես շատ լավ հիշում եմ, թե ինչպես 2024 թվականի հոկտեմբերին ազգային ժողովում հերթական հարց ու պատասխանի ժամանակ Հայաստանի Հանրապետության բարձրագույն պաշտոն զբաղեցնող անձը ուղիղ արձանագրեց, որ այո՛, Հայաստանում այլևս կան այլընտրանքային խափանման միջոցներ, նույնիսկ համեմատեց կալանքի կիրառումը՝ առանց տնային կալանքը դիտարկելու, բռնապետական ռեժիմներին բնորոշ վարքագիծ, այսինքն այդ աստիճան ամեն ինչ ակնհայտ է: Նույնիսկ այսօրվա իշխանությունների համար է ակնհայտ, որ եթե կալանքը այդպես պերմանենտ, մշտապես կիրառվում է, դա բռնատիրական ռեժիմներին բնորոշ վարքագիծ է։ Այո, Հայաստանում կա տնային կալանք, այո, Սամվել Կարապետյանի գործով մենք նաև այլընտրանքային խափանման միջոցների վերաբերյալ միջնորդություններ ներկայացրել ենք, թեև ինչպես գործընկերս նշեց, ընդհանրապես հիմնավոր կասկածի մասին մենք վեճ չունենք, այսինքն իրապես այս դեպքում պայմանը բացակայում է։ Եթե պայմանը բացակայում է, ապա միջնորդությունը պարզապես պետք է մերժվի և չդիտարկվեն այլընտրանքային խափանման միջոցները»,- այս մասին Հակակոռուպցիոն դատարանի դիմաց լրագրողների հետ զրույցում ասաց Սամվել Կարապետյանի պաշտպանական թիմի անդամ Արամ Վարդևանյանը։
Մանրամասն՝ տեսանյութում։
Դիմում եմ պահեստազորի գեներալներին, սպաներին, ենթասպաներին և պահեստազորում հաշվառված շարքային կազմին...
«Հրապարակ»․ Սիփան Փաշինյանը՝ Տավուշի մարզպե՞տ
Նոր մանրամասներ ողբերգական դեպքից
Դոլարն էժանացել է․ փոխարժեքն՝ այսօր
«Հրապարակ»․ Միքայել Մելքումյանը խզել է կապերը ԲՀԿ-ի հետ
Արաղչին կոչ է արել ամերիկացի զինվորականներին հեռանալ Իրանից
Զոհված կին զինծառայողների մարմինները պղծելուց հետո ադրբեջանցի պաշտոնյաները հերթով ՀՀ են գալիս
«Ժողովուրդ». Ավետիս Առաքելյանը գնում է ԱԺ, Գյումրու կառավարման հարցը՝ մնում բաց. ինչ պլան ունեն իշխա...
«Հրապարակ»․ Իշխանությունը հետընտրական «չիստկա» է անում
Դավիթ Տոնոյանի գործը մոտենում է ավարտական փուլին. «Ժողովուրդ»