Խուդաթյանին կպարգևատրեն ավելի բարձր պաշտոնով
Վաղարշապատում կայացած ընտրությունները այնքան են բարձրացրել Նիկոլ Փաշինյանի տրամադրությունը, որ վերջինս որոշել է պարգևատրել Տարածքային կառավարման և ենթակառուցվածքների նախարար Դավիթ Խուդաթյանին՝ նրան նոր պաշտոնի նշանակելով։ ՔՊ մեր աղբյուրի փոխանցմամբ, նրան առաջիկայում կարող են նշանակել փոխվարչապետ՝ Տիգրան Խաչատրյանի փոխարեն։ Փաշինյանն առանց այն էլ խիստ դժգոհ է Տիգրան Խաչատրյանի գործունեությունից, ավելի ճիշտ, անգործությունից։ Եթե Մհեր Գրիգորյանը ապահովում ՌԴ հետ կապը, հանդիպումներ ունենում ՀՀ ժամանած տարբեր պատվիրակությունների հետ, նաև զբաղվում սահմանազատման ու ապաշրջափակման հարցերով, ապա Խաչատրյանը, ըստ էության, ոչնչով զբաղված չէ։
Փոխվարչապետը նաև կտրականապես հրաժարվում է մասնակցել քաղաքական գործընթացներին, որևէ դեպքում իր աջակցությունը չի հայտնում անմիջական ղեկավարի գործողություններին։ Այս ամենը ՔՊ-ում լուրջ տարակուսանք է առաջացրել, և Փաշինյանին քանիցս հարցրել են այդ մասին։ Վերջինս էլ նշել է, թե մտածում է Տիգրան Խաչատրյանին փոխարինելու մասին, բայց դեռ որոշում չի կայացրել։ Թերևս, վերջին ՏԻՄ ընտրությունը փոխել է Փաշինյանի տրամադրվածությունը, և նա այդ պաշտոնի համար դիտարկում է հենց Խուդաթյանին, որի թեկնածությանը ՔՊ-ում կողմ են գրեթե բոլորը։ Խուդաթյանը հին ՔՊ-ական է, լավ հարաբերություններ ունի բոլոր ներկուսակցական խմբերի հետ, ակնհայտ սկանդալային պատմություններում չի հայտնվել, իսկ Վաղարշապատի ընտրությանն էլ «ջախջախիչ» հաղթանակ է տարել։
Միայն թե Փաշինյանը դեռ համապատասխան մարդ չունի ՏԿԵ նախարար նշանակելու համար, բայց փնտրում է։ Կառավարությունում փոփոխությունները միայն փոխվարչապետով չեն ավարտվելու։ Խոսակցություններ կան, որ առաջիկայում իրենց պաշտոններին հրաժեշտ կտան երկու՝ ԿԳՄՍ և առողջապահության նախարարները։ ԿԳՄՍ նախարարի պաշտոնին հավակնում է ԱԺ պատգամավոր Սիսակ Գաբրիելյանը, իսկ առողջապահության նախարար ցանկանում են նշանակել որևէ հայտնի բժշկի, պայմանով, որ վերջինս դառնա ՔՊ անդամ։
Տաթևիկ Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը