Կառավարությունը չհասկացա՞վ՝ թոնրի շուրջ ընկերական զրույցներով գերիների հարցը չի լուծելու. Ալավերդյան
ՀՀ կառավարությունը միջազգային մի քանի խողովակներով պիտի բարձրացնի Բաքվում պահվող հայ գերիների հարցը և լուծի առնվազն նրանց պահման պայմանների ու նրանց նկատմամբ դաժան վերաբերմունքի հարցերը: 24News-ի հետ զրույցում նման կարծիք հայտնեց իրավապաշտպան, ՀՀ-ում առաջին ՄԻՊ Լարիսա Ալավերդյանը՝ անդրադառնալով Բաքվի բանտում գտնվող Վիգեն Էուլջեքջյանի առողջական վիճակին: Նա ընդգծեց, որ բոլոր գերիները ՀՀ քաղաքացիներ են և պետությունը պարտավոր է պաշտպանել նրանց իրավունքները անկախ գտնելու վայրից:
«Խաղաղությունից են խոսում, բայց շատ կներեք, գերիների հարցը չի՞ մտնում այդ օրակարգի մեջ: Ինչու այդ հարցը չեն բարձրացնում Ադրբեջանի առաջ։ Բացի այդ, կառավարությունը վերջերս շատ ակտիվ հանդես է գալիս միջազգային տարբեր հարթակներում, բայց ոչ գերիների հարցով. նրանք պարտավոր են այդ խողովակներն օգտագործել»:
Հիշեցնենք, որ «Պատիվ ունեմ» խմբակցության պատգամավոր Տիգրան Աբրահամյանը գրել է, որ Բաքվի բանտում գտնվող Վիգեն Էուլջեքջյանի առողջական վիճակը կտրուկ վատացել է: Թեև վերջինս ստացիոնար բուժման կարիք ունի, սակայն նրան պատշաճ բուժօգնություն չի ցուցաբերվում: Նա այլևս չի կարողանում քայլել, իսկ բժիշկների կողմից նշանակված դեղորայքը նրան չի հատկացվում:
Լարիսա Ալավերդյանը նաև նշեց, որ գերիների նկատմամբ դաժան վերաբերմունքի հիմնական պատճառներից մեկը նրանցից ինչ-որ խոստովանություն կորզելն է:
«Ադրբեջանի արածը Վիգենի հարցում խոշտանգում է, իսկ այդ հարցով ՄԱԿ-ում գործող ատյաններ կան, պետք է դիմել: Ադրբեջանը ինքնուրույն չի գնալու այդ քայլին, նրան պետք է ստիպել: Հարցը կարելի է բարձրացնել նաև որոշ գործընկեր երկրների միջոցով»։
Մեր դիտարկմանը, թե Նիկոլ Փաշինյանն ու ԱԳ նախարար Արարատ Միրզոյանը վստահեցնում են, որ գերիների հարցով անում են հնարավորինը, սակայն չեն բարձրաձայնում, իրավապաշտպանը պատասխանեց.
«Էդ էլ հո զոհվածների թիվը չի, որ գաղտնի է, եթե դիմեին տարբեր միջազգային մարմինների, հայտնի կդառնար, նրանք, ի՞նչ է, թոնրի շուրջ զրու՞յց են վարում, ընկերական մակարդակո՞վ են ուզում հարցը լուծել, բայց չհասկացա՞ն մինչև հիմա, որ էդպես չի լինում, չի ստացվում»:
Հասմիկ Կիրակոսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը